၈ ဇူလိုင်
အိန္ဒိယနိုင်ငံ မြောက်ပိုင်း အူတာပရာဒက်ရှ်ပြည်နယ်၌ ယနေ့နံနက်ပိုင်းက ဘတ်စ်ကားတစ်စင်း ရေမြောင်းအတွင်း ထိုးကျခဲ့ရာ ဘတ်စ်ကားပေါ်တွင် လိုက်ပါလာသည့် ခရီးသည် ၂၇ ဦးသေဆုံးခဲ့ပြီး ၁၅ ဦး ဒဏ်ရာရရှိခဲ့ကြောင်း ပြည်နယ်အစိုးရက အတည်ပြုပြောကြားခဲ့သည်။
အဆိုပါ ဘတ်စ်ကားသည် အူတာပရာဒက်ရှ်ပြည်နယ် မြို့တော်လတ်ခနောင်းမှ ဒေလီဆီသို့ ဦးတည်မောင်းနှင်ခဲ့ကြောင်း သတင်းများအရ သိရသည်။
အဆိုပါ မတော်တဆမှုမှာ ယနေ့နံနက်ပိုင်းက အက္ကရာမြို့တော်အနီး ဖြစ်ပွားခဲ့ခြင်းဖြစ်ကြောင်း အက္ကရာခရိုင်တရားသူကြီးက ပြောကြားခဲ့သည်။
အဆိုပါ ဘတ်စ်ကားသည် ပေ ၅၀ အနက်ရှိ မြောင်းအတွင်း ထိုးဆင်းခဲ့ကြောင်း ၄င်းကပြောကြားခဲ့သည်။ဒဏ်ရာရရှိသူ ၁၅ ဦးကို ဒေသန္တရ ဆေးရုံသို့ ပို့ဆောင်ပေးခဲ့ပြီး ၊ သေဆုံးသူ ၂၇ ဦး၏ ရုပ်လောင်းများကို အခင်းဖြစ်ပွားရာနေရာမှ ပြန်လည်သယ်ဆောင်ခဲ့ကြောင်း ၄င်းက ဆက်လက်ပြောကြားခဲ့သည်။
မတော်တဆဖြစ်ပွားရာနေရာ၌ ကယ်ဆယ်ရေးနှင့် ကယ်ဆယ်ရေးလုပ်ငန်းများ ဆက်လက် လုပ်ဆောင်နေဆဲဖြစ်ကြောင်း ၄င်းက ပြောကြားခဲ့သည်။
ကိုးကား-ဆင်ဟွာ
ဘာသာပြန်-မေဇော်ထက်