ရန်ကုန် ၁ ဒီဇင်ဘာ
ဖိလစ်ပိုင်နိုင်ငံတွင် နိုဝင်ဘာ ၃၀ ရက်မှ ဒီဇင်ဘာ ၁၁ ရက်အထိ ကျင်းပပြုလုပ်မည့် အကြိမ် (၃၀) မြောက် အရှေ့တောင်အာရှ အားကစားပြိုင်ပွဲ ဝင်ရောက်ယှဉ်ပြိုင်ရန် သေနတ်ပစ် အားကစားအဖွဲ့မှ ၂ ဦး၊ အလေးမအဖွဲ့ ၃ ဦး၊ ဘိလိယက်အဖွဲ့မှ ၉ ဦး၊ Fencing အဖွဲ့ ၆ ဦး၊ လက်ဝှေ့ ၁၁ ဦး၊ ဂျူဒိုအဖွဲ့ ၁၈ ဦး စုစုပေါင်း ၄၉ ဦးတို့သည် ယနေ့နံနက်ပိုင်းက ရန်ကုန်အပြည်ပြည်ဆိုင်ရာလေဆိပ်မှ ထွက်ခွာသွားကြောင်း သိရသည်။
အဆိုပါအားကစားသမားများအား အားကစားနှင့် ကာယပညာဦးစီးဌာနမှ တာဝန်ရှိပုဂ္ဂိုလ်များ၊ မြန်မာနိုင်ငံ အားကစားအဖွဲ့ချုပ်များမှ သက်ဆိုင်ရာ ဥက္ကဋ္ဌများ၊ ဒုတိယဥက္ကဋ္ဌများနှင့် အမှုဆောင်များ၊ မိဘဆွေမျိုးများက ပို့ဆောင်နှုတ်ဆက်ခဲ့ကြောင်း အားကစားနှင့် ကာယပညာ ဦးစီးဌာနမှ သိရသည်။
MDN
