နေပြည်တော် မတ် ၅
အမျိုးသမီးတစ်ဦးကို တရုတ်နိုင်ငံသို့ ပို့ဆောင်ရောင်းစားကာ ငွေကြေးအကျိုးအမြတ် ရယူခဲ့သူများအား လူကုန်ကူးမှုဖြင့် အလုပ်နှင့်ထောင်ဒဏ်နှစ် ၂၀ ချမှတ်ခဲ့ကြောင်းသိရသည်။
မန္တလေးတိုင်းဒေသကြီး၊ ကျောက်ဆည်မြို့နယ်နေ စိုးခိုင်(ခ)ကျော်သူ နှင့် မနွယ်နွယ်ဝင်း (ခ)နွယ်ပု တို့က တစ်မြို့တည်းနေ မ----၊ ၂၀/၂၃ နှစ်အား မိုင်းပေါက်မြို့ရှိ ငါးမန်းဂိမ်းဆိုင်တွင် တစ်လ (၆)သိန်းကျပ်ဖြင့် အလုပ်လုပ်ကိုင်ရမည်ဟုပြောဆိုစည်းရုံးကာ တရုတ်ပြည်သို့ ပို့ဆောင်၍ တရုတ်ငွေ ယွမ်(၅၅၀၀၀)ဖြင့် ရောင်းစားပြီး ငွေကြေးအကျိုးအမြတ်ရယူခဲ့သဖြင့် ကျောက်ဆည်မြို့မရဲစခန်း (ပ)၁၈၅/၂၀၂၃၊ လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်ခဲ့ပြီး ကျောက်ဆည် ခရိုင်တရားရုံးသို့တရားစွဲတင်ပို့ခဲ့ရာ မတ် ၄ ရက်တွင် တရားခံ စိုးခိုင်(ခ)ကျော်သူနှင့် မနွယ်နွယ်ဝင်း (ခ)နွယ်ပုတို့အား လူကုန်ကူးမှုတားဆီး နှိမ်နင်းရေးဥပဒေပုဒ်မ ၃၅ အရ အလုပ်နှင့်ထောင်ဒဏ် နှစ် (၂၀)စီ ချမှတ်ခဲ့ကြောင်း သိရသည်။
(သတင်းစဉ်)
