အမ်း ဩဂုတ် ၂
ရခိုင်ပြည်နယ်၊ အမ်းမြို့နယ်တွင် ကိုဗစ်-၁၉ ရောဂါကာကွယ်ဆေး မထိုးနှံရသေးသည့် အသက်(၆၅)နှစ်အထက် ရှိသူများနှင့် ဌာနဆိုင်ရာဝန်ထမ်းများ၊ ပြည်သူများအား ကာကွယ် ဆေးထိုးနှံပေးခြင်းကို လူမျိုးဘာသာမရွေး မြို့နယ်အတွင်း စုရပ်(၅)နေရာ သတ်မှတ်၍ ဩဂုတ် (၂)ရက် နံနက်(၉)နာရီမှ စတင်၍ ကျန်းမာရေးနှင့်အားကစား ဝန်ကြီးဌန၏ လမ်းညွန်ချက် များနှင့်အညီ မြို့နယ်ကျန်းမာရေးဝန်ထမ်းများက ထိုးနှံပေးလျှက်ရှိကြောင်း သိရှိရသည်။
အဆိုပါ ကိုဗစ်-၁၉ ရောဂါကာကွယ်ဆေးမှာ တရုတ်ပြည်သူ့သမ္မတနိုင်ငံမှ ထုတ်လုပ်သော Sinopharm အမျိုးအစားဖြစ်ပြီး ဆေးတစ်လုံးလျှင် လူနှစ်ဦးထိုးနှံပေးလျှက်ရှိပြီး အမ်းမြို့နယ် အတွက် ကိုဗစ်-၁၉ ရောဂါကာကွယ်ဆေးအလုံးရေ(၁၂၆၀)လုံးအား လူဦးရေ(၂၅၂၀)ဦးကို စတင် ထိုးနှံပေးခြင်းကို ရွှေအမ်းတောင်ခန်းမစုရပ်၊ တပ်တောင်စုရပ်၊ ရှုးစုရပ်၊ သပြုချိုင်စုရပ်၊ ကဇုကိုင်းစုရပ် စုရပ်(၅)နေရာသတ်မှတ်၍ ဩဂုတ်လ(၂)ရက်နေ့မှ(၅)ရက်နေ့ထိ ကိုဗစ်-၁၉ ရောဂါကာကွယ်ဆေးမထိုးနှံရသေးသည့် အသက်(၆၅)နှစ်အထက် ရှိသူများ၊ အစိုးရ/ပုဂ္ဂလိက ကျန်းမာရေးဝန်ထမ်းများ၊ Volunteer ပရဟိတများ၊ ဘုန်းကြီး၊ သီလရှင်၊ နိုင်ငံ့ဝန်ထမ်းများ၊ ပုဂ္ဂလိကဘဏ်ဝန်ထမ်းများ၊ ပုဂ္ဂလိကစက်ရုံ/အလုပ်ရုံများ၏ ဝန်ထမ်းများ၊ အကျဉ်းသား/ အချုပ်သား၊ ဟိုတယ်/မိုတယ်/ တည်းခိုခန်း၊ ပုဂ္ဂလိက ပို့ဆောင် ရေးဝန်ထမ်းများ၊ Super Market/ ဈေးရောင်းသူ ပြည်သူများကို ထိုးနှံပေးလျှက်ရှိကြောင်းသိရှိရသည်။
၎င်း ကိုဗစ်-၁၉ ရောဂါကာကွယ်ဆေးထိုးနှံပေးခြင်းကို အမ်းမြို့နယ်အနောက်ပိုင်းတိုင်း စစ်ဌာနချုပ်မှ ဒုတိယတိုင်းမှူး ဗိုလ်မှူးချုပ်အောင်ကျော်မင်း၊ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးဌေးအောင်နှင့်အဖွဲ့ဝင်များ၊ ကျန်းမာရေးဦးစီးဌာနမှ ဒေါက်တာ အောင်ကျော်မိုးနှင့်ဝန်ထမ်းများ၊ မြို့နယ်ကိုဗစ်-၁၉ ရောဂါကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီအဖွဲ့၊ မြို့နယ် ဌာနဆိုင်ရာ တာဝန်ရှိသူများ၊ မြို့နယ်မီးသတ်တပ်ဖွဲ့ဝင်များ၊ မြန်မာနိုင်ငံကြက်ခြေနီ တပ်ဖွဲ့ဝင်များ၊ စေတနာ့ဝန်ထမ်းပံ့ပိုးကူညီရေးအဖွဲ့ဝင်များ ပူးပေါင်းပါဝင်၍ ကိုဗစ်-၁၉ ကာကွယ်ရေးလမ်းညွှန် ချက်များနှင့်အညီ စနစ်တကျထိုးနှံပေးလျှက်ရှိကြောင်းသိရှိရသည်။
မြို့နယ်ပြန်/ဆက်
