ကန်ကြီးထောင့် ၂၆ ဒီဇင်ဘာ
ဧရာဝတီတိုင်းဒေသကြီး အစိုးရအဖွဲ့၊ ကရင်တိုင်းရင်းသားလူမျိုးရေးရာ ဝန်ကြီးဌာနနှင့် ကရင်စာပေယဉ်ကျေးမှု ကော်မတီတို့ ပူးပေါင်းကျင်းပသော ကရင်နှစ် ၂၇၅၉ နှစ် တိုင်းဒေသကြီးအဆင့် ကရင်အမျိုးသားနှစ်သစ်ကူးပွဲတော် အလံတင်အခမ်းအနားကို ဒီဇင်ဘာ ၂၆ ရက် နံနက် ၆ နာရီက ကန်ကြီးထောင့်မြို့နယ်၊ ဝါးဒူးကျေးရွာအုပ်စု၊ အနောက်စုကျေးရွာ၌ ကျင်းပသည်။
အခမ်းအနားတွင် တိုင်းဒေသကြီး အစိုးရအဖွဲ့၊ ကရင်တိုင်းရင်းသားရေးရာ ဝန်ကြီး ဂါ့မိုးမြတ်မြတ်သူနှင့် လွှတ်တော်ကိုယ်စားလှယ်များ၊ သဘာပတိအဖွဲ့မှ တာဝန်ရှိသူများက တက်ရောက်လာကြသော ကရင်တိုင်းရင်းသားများနှင့်အတူ ကရင်အမျိုးသားအလံတင်သီချင်းကို စုပေါင်းသံပြိုင်သီဆို၍ အလံကိုအလေးပြုကြသည်။ ဆက်လက်၍ ကရင်တိုင်းရင်းသားရေးရာ ဝန်ကြီးနှင့်အတူ တက်ရောက်လာကြသူများက ဖားစည်ကိုတီး၍ အမွှေးနံ့သာများ ပက်ဖျန်းပေးကြကြောင်း သိရသည်။
နန်းထိုက် (ပြန်/ဆက်)
