၂၅ မတ်
အဆိုပါ ရထားလမ်းသည် ဂျကာတာမြို့၏ အလယ်ပိုင်းကိုဖြတ်ပြီး မြောက်ဘက်ပိုင်းနှင့် တောင်ဘက်ပိုင်း ၁၆ကီလိုမီတာရှိသည့် အကွာအဝေးကို ဆက်သွယ်ထားခြင်းဖြစ်သည်။ ကမ္ဘာပေါ်တွင် လမ်းပိတ်ဆို့မှု အဆိုးရွားဆုံး နေရာတစ်ခုဖြစ်သည့် ဂျကာတာတွင် အဆိုပါ ရထားလမ်းက လမ်းပိတ်ဆို့မှုများကို ဖြေလျှော့ပေးနိုင်လိမ့်မည်ဟု မျှော့်လင်ရသည်။
မြေအောက်ရထားလမ်း တည်ဆောက်မှု ပြီးဆုံးခဲ့ခြင်းသည် အင်ဒိုနီးရှားနိုင်ငံအတွက် ယဉ်ကျေးမှုအသစ် စတင်သည့် အထိမ်းအမှတ်ဖြစ်ကြောင်း အင်ဒိုနီးရှား သမ္မတ ဂျိုကို ဝီဒိုဒိုက ပြောကြားခဲ့ခြင်းဖြစ်သည်။
အဆိုပါ ခေတ်မီ မြေအောက်ရထားလမ်းကို ဂျပန်ဆောက်လုပ်ရေး ကုမ္ပဏီတစ်ခုနှင့် အင်ဒိုနီးရှား ကုမ္ပဏီတစ်ခုတို့က ပူးတွဲတည်ဆောက်ခဲ့ခြင်းဖြစ်သည်။ အဆိုပါ ရထားလမ်း တည်ဆောက်ရေးအတွက် ဂျပန်အစိုးရသည် အမေရိကန်ဒေါ်လာ ၁.၁ဘီလီယံရှိသည့် ယန်းချေးငွေများကို ထုတ်ချေးခဲ့ခြင်းဖြစ်သည်။
ရထားပြေးဆွဲရေးနှင့် ဘေးကင်းလုံခြုံရေး လုပ်ငန်းစဉ်တွေမှာလည်း ဂျပန်နိုင်ငံက အကြံဉာဏ်များ ပေးလျက်ရှိသည်။
ကိုးကား-အန်အိတ်ချ်ကေ
ဘာသာပြန်-မေဇော်ထက်