ဂျကာတာ ဇန်နဝါရီ ၂
အင်ဒိုနီးရှားနိုင်ငံသို့ ၂၀၂၃ ခုနှစ် ပထမ ၁၁ လအတွင်း နိုင်ငံခြားခရီးသွား ဝင်ရောက်မှု ၁၀ ဒသမ ၄ သန်းကျော်ရှိခဲ့ပြီး ၂၀၂၂ ခုနှစ်က အလားတူ ကာလနှင့် နှိုင်းယှဉ်လျှင် ၁၁၀ ဒသမ ၈ ရာခိုင်နှုန်း မြင့်တက်လာကြောင်း အင်ဒိုနီးရှား စာရင်းအင်းဌာနက ဇန်နဝါရီ ၂ ရက်တွင် ထုတ်ပြန်ကြေညာ ခဲ့သည်။
နိုဝင်ဘာလတစ်လတည်းတွင် နိုင်ငံခြားခရီးသွား ဝင်ရောက်မှု ၉၁၇၄၁၀ ရှိခဲ့ပြီး ယမန်နှစ်ကထက် ၃၀ ဒသမ ၁၇ ရာခိုင်နှုန်း မြင့်တက် လာကြောင်း အင်ဒိုနီးရှားစာရင်းအင်းဌာန ခေတ္တအကြီးအကဲ ဖြစ်သူ အမ်လီယာအဒင်နိုင်ဂျာဝီဒီယာဆန်တီက သတင်းစာရှင်းလင်းပွဲတွင် ပြောသည်။ သို့သော်လည်း အဆိုပါအရေအတွက်သည် အောက်တိုဘာလက ဝင်ရောက်မှုနှင့် နှိုင်းယှဉ်လျှင် ၆ ဒသမ ၂၄ ရာခိုင်နှုန်း ကျဆင်းခဲ့သည်။
နိုဝင်ဘာလတွင် အင်ဒိုနီးရှားနိုင်ငံသို့ ဝင်ရောက်လာသည့် နိုင်ငံခြားခရီးသွားများအနက် မလေးရှား နိုင်ငံက ၁၅ ဒသမ ၄၅ ရာခိုင်နှုန်းဖြင့် အများဆုံးဖြစ်ပြီး ၎င်းနောက်တွင် စင်ကာပူနိုင်ငံက ၁၂ ဒသမ ၈၆ ရာခိုင်နှုန်းနှင့် ဩစတြေးလျနိုင်ငံက ၁၂ ဒသမ ၇၆ ရာခိုင်နှုန်းဖြင့် အများဆုံးဖြစ်ကြောင်း ဝီဒီယာဆန်တီက ပြောသည်။
ဆင်ဟွာ
