တပ်ကုန်း ၃၀ ဒီဇင်ဘာ
အရန်မီးသတ်တပ်ဖွဲ့ဝင်များ လေ့ကျင့်ရေး(မွမ်းမံ)သင်တန်း အမှတ်စဉ်(၁/၂၀၁၉) သင်တန်းဆင်းပွဲ အခမ်းအနားကို ဒီဇင်ဘာ ၂၇ ရက် ညနေ ၅ နာရီခွဲက နေပြည်တော် တပ်ကုန်းမြို့နယ် မီးသတ်ဦးစီးဌာနတွင် ကျင်းပသည်။
အခမ်းအနားတွင် မြို့နယ်အုပ်ချုပ်ရေးမှူး ဦးဇော်မင်းက သင်တန်းကာလအတွင်း သင်ကြားပေးသည့် အတတ်ပညာ များကို ပြည်သူများအတွက် ယုံကြည်အားကိုးရသော မီးသတ်ဖွဲ့ဝင်များအဖြစ် ကိုယ်စွမ်းဉာဏ်စွမ်းရှိသမျှ ဆောင်ရွက် ပေးကြရန် ပြောကြားသည်။
ထို့နောက် ပြည်သူ့လွှတ်တော်ကိုယ်စားလှယ် ဦးကျော်တင့်က သင်တန်းဆင်းလက်မှတ်များကို သင်တန်းသား များအား ပေးအပ်ချီးမြှင့်ခဲ့သည်။
အဆိုပါသင်တန်းတွင် သင်တန်းသား ၅ဝ ဦးတက်ရောက်ကာ ရှာဖွေကယ်ဆယ်ရေးပညာရပ်၊ ကုသရေးပညာရပ်နှင့် ကယ်ဆယ်ရေးပစ္စည်းများ ကိုင်တွယ်အသုံးပြုနည်းတို့ကို ဒီဇင်ဘာ ၂ ရက်မှ ၂၇ ရက်အထိ စာတွေ့၊ လက်တွေ့ သင်ကြားပေးခဲ့ကြောင်း သိရသည်။
တင်စိုးလွင်(ပြန်/ဆက်)
