အသေးစားနှင့်အလတ်စားလုပ်ငန်းများပိုမိုဖွံ့ဖြိုးတိုးတက်ရေး ဝဉ၊ထောပတ်၊စပျစ်၊ကော်ဖီ တန်ဖိုးမြှင့် ထုတ်လုပ်မှုနည်းပညာသင်တန်းဖွင့်လှစ်

ဟားခါး ၂၄ စက်တင်ဘာ

ချင်းပြည်နယ်အတွင်း ကျေးလက်နေပြည်သူများ၏ လူမှုစီးပွားဘဝဖွံ့ဖြိုးတိုးတက်စေရေး၊ အလုပ်အကိုင် အခွင့်အလမ်းများ ရရှိစေရေးနှင့် ဒေသထွက်ကုန်များ တိုးဖိုးမြှင့်ရောင်းချနိုင်ရေး ရည်ရွယ်လျက် ချင်းပြည်နယ် အစိုးရအဖွဲ့၊ ပြည်နယ်စက်မှုကြီးကြပ်ရေးနှင့် စစ်ဆေးရေး ဉီးစီ:ဌာနနှင့် မန္တလေးအခြေစိုက် Blooming Training Centre တို့ပူးပေါင်း၍ ဝဉ ၊ ထောပတ် ၊ စပျစ် ၊ ကော်ဖီတန်ဖိုးမြှင့်ထုတ်လုပ်မှု နည်းပညာသင်တန်းဖွင့်ပွဲ အခမ်းအနားကို ယနေ့နံနက် ၉ နာရီက ဟားခါးမြို့ မြို့တော်ခန်းမ၌ကျင်းပပြုလုပ်ခဲ့ကြောင်း သိရှိရသည်။

အစီအစဉ်အရ ရှေးဉီးစွာ ချင်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဉီးပေါင်လွန်းမင့်ထန်က သင်တန်းဖွင့်အမှာစကားပြောကြားပြီးနောက် ချင်းပြည်နယ် စက်မှုကြီးကြပ်ရေးနှင့် စစ်ဆေးရေးဉီးစီးဌာန ညွှန်ကြားရေးမှူး ဉီးရာကျုံးက ချင်းပြည်နယ်အတွင်း MSME ဖွံ့ဖြိုးတိုးတက်ရေးဆောင်ရွက်ထားရှိမှုအခြေအနေ များနှင့် တန်ဖိုးမြှင့်ထုတ်ကုန်များ ထုတ်လုပ်ဖြန့်ဖြူးရောင်းချနိုင်ရေးအတွက် သင်တန်းဖွင့်လှစ်ရခြင်းရည်ရွယ် ချက်များနှင့် သင်တန်းတက်ရောက်ခြင်း ဖြင့်ရရှိလာမည့် အကျိုးကျေးဇူးများကို ရှင်းလင်းပြောကြားသည်။

ထို့နောက် Blooming Training Centre မှသင်တန်းဆရာမ Daw Ruth Seng Pan က သင်တန်းပို့ချ မည့်နည်းပညာဘာသာရပ်များ ၊ ကုန်ချောထုတ်လုပ်နည်းအဆင့်ဆင့်နှင့် အသီးအနှံများကတဆင့် လူသုံးကုန် ပစ္စည်းအမျိုးမျိုး ၊ စားသောက်ကုန်အမျိုးမျိုးတို့ကို သင်တန်းသား၊သင်တန်းသူများအား နားလည်စွာသင်ယူလေ့ လာနိုင်ရေး ၊ သင်ကြားမည့်အစီအစဉ်များနှင့်ပတ်သက်၍ ရှင်းလင်းပြောကြားသည်။

အဆိုပါ သင်တန်းသို့ ချင်းပြည်နယ်အတွင်းမြို့နယ်ပေါင်း (၉) မြို့နယ်မှ သင်တန်းသား၊သင်တန်းသူ ၄၇ ဉီး ထိတက်ရောက်ပြီးသင်တန်းကာလမှာ စက်တင်ဘာလ ၂၄ ရက်နေ့မှ ၂၆ ရက်နေ့အထိ (၃)ကြာသင်ကြားပို့ချ ပေးသွားမည်ဖြစ်ကြောင်း ၊ သင်တန်းသားများအား သင်တန်းဆင်းလက်မှတ်များ ထုတ်ပေးပြီး မြို့နယ်အသီးသီး တွင် ဆင့်ပွားသင်တန်းများ ဆက်လက်ပို့ချနိုင်ရေး ၊ လုပ်ငန်းခွင်အတွင်း ကိုယ်ပိုင်လုပ်ငန်းဆောင်ရွက်နိုင်ရေး အတွက် နည်းပညာပံ့ပိုးမှုငွေကြေးအရင်းအနှီးများထုတ်ချေးပေးနိုင်ရေးတို့ကိုလည်း ပြည်နယ်အစိုးရအဖွဲ့နှင့် ညှိနှိုင်းပေါင်းစပ်ဆောင်ရွက်သွားမည်ဖြစ်ကြောင်း ပြည်နယ်စက်မှုကြီးကြပ်ရေးနှင့်စစ်ဆေးရေးဉီးစီးဌာနမှ ညွှန်ကြားရေးမှူးထံမှ သိရှိရသည်။

မြင့်နိုင်စိုး(ထီးလှိုင်မြေ)