ဘားအံ၊ ၈ ဇန်နဝါရီ
ပူပြင်းခြောက်သွေ့၍ မီးလောင်လွယ်သည့် ပွင့်လင်းရာသီသို့ ရောက်ရှိလာပြီဖြစ်၍ နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာန အမျိုးသမီးအိမ်တွင်းမှုသက်မွေးပညာလုပ်ငန်း သင်တန်းကျောင်း (ဘားအံ) ၌ ဇန်နဝါရီ ၈ ရက် မွန်လွဲ ၁ နာရီခန့်က မီးဘေးအန္တရာယ်ကြိုတင် ကာကွယ်ရေး အသိပညာပေး ဟောပြောပွဲနှင့် မီးငြှိမ်းသတ်ရေး ဇာတ်တိုက်လေ့ကျင့်မှုတို့ကို ဆောင်ရွက်ခဲ့သည်။
ဘားအံခရိုင် မီးသတ်ဦးစီးမှူး ဦးသန့်ဇင်ဝင်းက သဘာဝဘေးအန္တရာယ်နှင့် မီးဘေးအန္တရာယ်လုံခြုံရေးဆိုင်ရာ များကို အသိပညာပေးဟောပြောပြီး ပညာရေးနှင့်လေ့ကျင့်ရေးဦးစီးဌာန ကရင်ပြည်နယ်ရုံးမှ ဒုတိယညွှန်ကြား ရေးမှူး ဦးခင်မောင်ဇော် က ကျေးဇူးတင်စကား ပြန်လည်ပြောကြားသည်။
ထို့နောက် အမျိုးသမီးအိမ်တွင်းမှု သက်မွေးလုပ်ငန်းပညာ သင်တန်းကျောင်း(ဘားအံ)ကျောင်း အုပ်ချုပ်မှုရုံးခန်း ရှေ့နှင့် နယ်စပ်ဒေသ တိုင်းရင်းသားလူငယ်များ ဖွံ့ဖြိုးရေးသင်တန်းကျောင်း(ဘားအံ)၏ နှစ်ထပ်ကျောင်းသား အိပ်ဆောင်ရှေ့တို့တွင် သဘာဝဘေးအန္တရာယ်နှင့် မီးဘေးအန္တရာယ်လုံခြုံရေး ဇာတ်တိုက်လေ့ကျင့်သရုပ်ပြသခဲ့ ကြောင်း သတင်းရရှိသည်။
စောမျိုးမင်းသိန်း(ပြန်/ဆက်)
