၂၂ ဇွန်
ဘရာဇီးနိုင်ငံတွင် တစ်ရက်အတွင်း ကိုဗစ်-၁၉ ကူးစက်ခံရမှုကြောင့် သေဆုံးသူ ၆၄၁ ဦး ရှိရာ သေဆုံးသူပေါင်း ၅၀၆၁၇ ဦး ရှိလာကြောင်း ဘရာဇီးကျန်းမာရေးဝန်ကြီးဌာနက ယမန်နေ့က ပြောကြားသည်။
တစ်ရက်အတွင်း ကိုဗစ်-၁၉ ရောဂါထပ်မံ ကူးစက်ခံရမှု ၁၇၄၅၉ ရှိပြီး ကူးစက်ခံရသူပေါင်း ၁၀၈၅၀၃၈ အထိ မြင့်တက်လာသည်။
ဘရာဇီးနိုင်ငံသည် ကိုဗစ်-၁၉ ကူးစက်ခံရမှုနှင့် သေဆုံးမှုမှာ ကမ္ဘာနိုင်ငံများတွင် အမေရိကန်ပြည်ထောင်စုပြီးလျှင် ဒုတိယအများဆုံး နိုင်ငံဖြစ်သည်။
ဘရာဇီးနိုင်ငံတွင် လူဦးရေ အထူထပ်ဆုံးဖြစ်သည့် အရှေ့တောင်ပိုင်း ပြည်နယ်ဖြစ်သော ဆောပိုလိုတွင် ကိုဗစ်-၁၉ ကူးစက်ခံရမှု ၂၁၉၁၈၅ ရှိပြီး ရောဂါကူးစက်မှုကြောင့် သေဆုံးသူ ၁၂၅၈၈ ဦး ရှိသည်။
ရီယို ဒီဂျနေရိုတွင် ရောဂါကူးစက်ခံရမှု ၉၆၁၃၃ ရှိပြီး သေဆုံးမှု ၈၈၇၅ ရှိသည်။ စီရာရာပြည်နယ်တွင် ကိုဗစ်-၁၉ ကူးစက်ခံရမှု ၉၂၈၅၅ ရှိပြီး သေဆုံးမှု ၅၅၂၃ ရှိသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
