၁၇ ဧပြီ

ကိုရိုနာဗိုင်းရပ်စ်ရောဂါပျံ့နှံ့မှု ထိန်းချုပ်နိုင်ရန် အသွားအလာပိတ်ဆို့ထားတဲ့ အတွက်ကြောင့် ဉရောပကားထုတ်လုပ်တဲ့ ကုမ္ပဏီတွေဟာ ပြီးခဲ့တဲ့လမှာ ကားရောင်းချနှုန်း ၅၅ ရာခိုင်နှုန်း ကျဆင်းခဲ့ကြောင်း ကားကုမ္ပဏီတွေရဲ့ ကုန်သွယ်ရေးအဖွဲ့က ဒီကနေ့ ပြောကြားပါတယ်။

ကားအသစ်မှတ်ပုံတင်ဌာနရဲ့ ပြောကြားချက်အရ ပြီးခဲ့တဲ့နှစ် ၂၀၁၉ မတ်လက ကားအစီးရေ ၁ ဒသမ ၂ သန်း ရောင်းချရပြီး ၂၀၂၀ ခုနှစ် မတ်လရဲ့ ရောင်းချရသည့် ကားစီးရေမှာ ပြီးခဲ့သည့်နှစ်ထက် ၅၅ ရာခိုင်နှုန်း လျှော့နည်းကြောင်း၊ တစ်နည်းအားဖြင့် ကားအစီးရေ ၅၆၇,၃၀၈ စီး လျော့နည်းကြောင်း သိရပါတယ်။

ဉရောပသမဂ္ဂအဖွဲ့ဝင်နိုင်ငံ ၂၇ နိုင်ငံလုံးမှာ ကားရောင်းချမှုလျော့နည်းရာ အီတလီနိုင်ငံက အဆိုးဆုံးဖြစ်ပါတယ်။ အီတလီနိုင်ငံမှာ ၈၅ ဒသမ ၄ ရာခိုင်နှုန်း (၂၈၃၂၆ စင်း) ကျဆင်း၊ ပြင်သစ်နိုင်ငံမှာ ၇၂ ဒသမ ၂ ရာခိုင်နှုန်း၊ စပိန်နိုင်ငံမှာ ၆၉ ဒသမ ၃ ရာခိုင်နှုန်းနဲ့ ဂျာမနီနိုင်ငံမှာတော့ ၃၇ ဒသမ ၇ ရာခိုင်နှုန်း ကျဆင်းကြောင်း ဉရောပမော်တော်ကား ထုတ်လုပ်ရေးအဖွဲ့က ပြောပါတယ်။

Fiat Chrysler ကားကုမ္ပဏီက ကားစီးရေ ရောင်းချရနှုန်း ၇၆ ဒသမ ၆ ရာခိုင်နှုန်းအထိ ကျဆင်းကြောင်း သိရပါတယ်။

MDN

ကိုးကား - AFP