စာရေးဆရာ ချစ်ဦးညို၏ တိုးတက်ခြင်း၊ ဆုတ်ယုတ်ခြင်းနှင့် ယဉ်ကျေးမှုမျက်နှာစာ စာဖတ်ဝိုင်းကျင်းပ

မန္တလေး ၂၈ စက်တင်ဘာ

စာရေးဆရာ ချစ်ဦးညို၏ တိုးတက်ခြင်း၊ ဆုတ်ယုတ်ခြင်းနှင့် ယဉ်ကျေးမှုမျက်နှာစာ စာဖတ်ဝိုင်းကို စက်တင်ဘာ ၂၈ ရက်၊ နံနက် ၁၀ နာရီက မန္တလေးမြို့ မန္တလေးခရိုင် ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန အစည်းအဝေးခန်းမတွင် ကျင်းပသည်။

ရှေးဦးစွာ မန္တလေးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ပြန်/ဆက် ဦးစီးအရာရှိ ဒေါ်မြင့်မြင့်သန်းက အဖွင့်အမှာစကား ပြောကြားသည်။ ဆက်လက်၍ မဟာအောင်မြေမြို့နယ် စာရေးဆရာအသင်း ဥက္ကဋ္ဌ ဒေါ်ခင်ခင်ဝင်း (ပညာရေး) က ချစ်ဦးညို၏ တိုးတက်ခြင်း၊ ဆုတ်ယုတ်ခြင်းနှင့် ယဉ်ကျေး မှုမျက်နှာစာ စာအုပ်ပါ အကြောင်းအရာများကို ဦးဆောင်ဆွေးနွေးသည်။ ထို့နောက် ဆရာ အိုးဝေ (မြေနီကျင်း)၊ ဆရာမင်းဝဏ်၊ ဆရာမနွေမိုးကို၊ ဆရာမခင်မွန်သိန်းတန်၊ ဆရာမဆူးခက်နှင့် ဆရာယဉ်မွန်အောင် တို့က စာအုပ်ပါ အချက်အလက်များကို ဖတ်ရှုဆွေးနွေးသည်။

ထို့နောက် ခရိုင်ပြန်/ဆက် ဦးစီးအရာရှိ ဒေါ်မြင့်မြင့်သန်းက ကျေးဇူးတင်စကားပြောကြားပြီး စုပေါင်းမှတ်တမ်းတင် ဓာတ်ပုံရိုက်ကူးသည်ဟု သိရှိရသည်။

ခင်ခင်ဝင်း(ပညာရေး)