စားသုံးရန်မသင့်သော အစားအသောက်နှင့် ဆေးဝါးများအကြောင်းနှင့် လူကုန်ကူးမှုတားဆီးရေး ပညာပေးဟောပြောပွဲ ကျင်းပ

ကျိုက်မရော ၂၃ အောက်တိုဘာ

မော်လမြိုင်ခရိုင် ကျိုက်မရောမြို့နယ် စားသုံးသူရေးရာဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ စားသုံးရန်မသင့်သော အစားအသောက်များအကြောင်းနှင့် လူကုန်ကူးမှု တားဆီးကာကွယ်ရေး အသိပညာပေးဟောပြောပွဲကို ယနေ့နံနက် ၁၀ နာရီက အ.ထ.က(ခွဲ) ကျွန်းရွာစာကြည့်တိုက်ခန်းမ၌ ကျင်းပပြုလုပ်သည်။

ရှေးဦးစွာ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဒေါ်ချိုမြတ်မြတ်ထွေးက လူကုန်ကူးမှုတားဆီးကာကွယ်ရေးနှင့် ကလေးအလုပ်သမား ပပျောက်ရေးအကြောင်း အသိပညာပေးဟောပြောပြီး စားသုံးသူရေးရာဦးစီးဌာနမှ တာဝန်ခံဦးအောင်ညီညီခန့်က စားသုံးရန်မသင့်သော အစားအစာများအကြောင်းနှင့် စားသုံးသူရေးရာ အကာအကွယ်ပေးရေး ဥပဒေများကို ပညာပေးဟောပြောသည်။ ဆက်လက်၍ စားသုံးရန်မသင့်သောဆေးဝါးများကို ပရိုဂျက်တာများဖြင့် ရှင်းလင်းပြသခဲ့ပြီး တက်ရောက်လာသော ကျောင်းသားကျောင်းသူများအား လူကုန်ကူးမှုတားဆီးရေးနှင့် ယာဥ်စည်းကမ်းလမ်းစည်းကမ်း ပညာပေး နံရံကပ်စာစောင်များကို ပြသပေးခဲ့ရာ ကျောင်းသားကျောင်းသူများက စိတ်ပါဝင်စားစွာ လေ့လာကြည့်ရှုခဲ့ကြသည်။

ချိုမြတ်မြတ်ထွေး(ပြန်/ဆက်)