ဆီဆိုင်       ၂၁  မေ

ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ် စိုက်ပျိုးရေးဦးစီးဌာနမှ ကိုဗစ်-၁၉ ကာလအတွင်း Home Gardening စိုက်ပျိုးနိုင်ရန်အတွက် မြို့နယ်အတွင်းရှိ ဌာနဆိုင်ရာဝန်ထမ်းများအား ယနေ့ နံနက် ၁၀ နာရီက သီးနှံမျိုးစေ့နှင့် သဘာဝမြေဩဇာများ၊ စိုက်ပျိုးရေးဆိုင်ရာ အသိပညာပေး လက်ကမ်း စာစောင်များကို အခမဲ့ဖြန့်ဝေပေးခဲ့ကြောင်း သိရသည်။

ထိုသို့ မျိုးစေ့များဖြန့်ဝေပေးရာတွင် မြို့နယ် စိုက်ပျိုးရေးဦးစီးဌာနမှ ဝန်ထမ်းများက ဆီဆိုင်မြို့နယ်အတွင်း ဌာနဆိုင်ရာရုံး (၂၅)ရုံးရှိ ဝန်ထမ်း ၅၈၀ ဦးခန့်အတွက် ကန်စွန်းရွက်၊ ရုံးပတီ၊ နံနံပင် မျိုးစေ့များနှင့် သဘာဝ မြေဩဇာများ၊ စိုက်ပျိုးရေးဆိုင်ရာ အသိပညာပေး လက်ကမ်းစာစောင်များ၊ မျိုးစေ့၊ မြေဩဇာများနှင့်အတူ စိုက်ပျိုးနည်းစနစ်များကိုပါ အသိပညာပေးခြင်းများ ဆောင်ရွက်ပေးခဲ့ကြောင်း မြို့နယ်စိုက်ပျိုးရေးဦးစီးဌာန ဦးစီးအရာရှိ ဦးကျော်ကြင်ထံမှ သိရသည်။

ခွန်ရဲထွေး(ဆီဆိုင်)