ဆီဆိုင် ၁၈ မတ်    

ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ် မြို့နယ်လုံးဆိုင်ရာ (၇)ကြိမ်မြောက် ပအိုဝ်းအမျိုးသားနေ့ဖွင့်ပွဲအခမ်းအနားကို မတ် ၁၇ ရက် ည ၈ နာရီတွင် ပအိုဝ်းအမျိုးသားဘက်စုံဖွံ့ဖြိုးရေး ''ဒဲဉ်သီးဗွေ'' ကွင်း၌ စည်ကားသိုက်မြိုက်စွာ ကျင်းပခဲ့ကြောင်း မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ သိရသည်။

ဆက်လက်၍ ပအိုဝ်းအမျိုးသားနေ့ ဗဟို(တောင်ကြီး)သို့ သွားရောက်ယှဉ်ပြိုင်မည့် ဘုရားဖြူအကအဖွဲ့နှင့် အကပဒေသာအဖွဲ့များက ကပြဖျော်ဖြေတင်ဆက်သည်။  အဆိုပါ ပအိုဝ်းအမျိုးသားနေ့ကို မတ် ၂၂ ရက်နေ့အထိကျင်းပသွားမည်ဖြစ်ကြောင်း ပွဲတော်ကျင်းပရေး ကော်မတီထံမှ သိရသည်။

MDN