ဆိပ်ဖြူမြို့နယ်အတွင်းရှိ စျေးများ ဧပြီ ၁၂ ရက်နေ့မှစတင်၍ ယာယီပိတ်သိမ်း

ဆိပ်ဖြူ ၁၂ ဧပြီ

ဆိပ်ဖြူမြို့နယ်၊ စည်ပင်သာယာရေးအဖွဲ့ပိုင်၊ ပတ္တမြားစျေးနှင့် ညနေပိုင်စျေး (ရွှေမင်းဝန်)ဘုရားစျေးများအား ဧပြီ ၁၂ ရက်နေ့မှစတင်၍ ဧပြီ ၁၉ ရက်နေ့ထိ ယာယီပိတ်ထားမည်ဖြစ်ပါကြောင်း မြို့နယ် စည်ပင်သာယာရေး ကော်မတီမှ ဧပြီလ ၁၁ ရက်နေ့က အသံချဲ့စက်ဖြင့် လိုက်လံကြေညာခဲ့သည်။

ဆိပ်ဖြူမြို့၊ စည်ပင်သာယာရေးကော်မတီအဖွဲ့အနေဖြင့် ကိုဗစ်-၁၉ ရောဂါ ကူးစက်ပြန့်ပွားမှု မဖြစ်ပွားစေရေးနှင့် ကာကွယ်ထိန်းချုပ်ရေးလုပ်ငန်းများ အထောက်အကူဖြစ်စေရန်အတွက် ပတ္တမြားစျေးနှင့် (ရွှေမင်းဝန်)ဘုရားကြီးစျေးအား ယာယီပိတ်သိမ်းသွားမည်ဖြစ်ပါကြောင်းနှင့် စျေးအတွင်းအပြင်ပတ်လည် စျေးဆိုင်ခန်းရှင်များနှင့် ပျံကျစျေးသည်များ သိရှိလိုက်နာသွားကြရန်နှင့် ပြင်ပလှည့်လည်၍ ရွှေ့လျားရောင်းချသူများနှင့် စားသုံးသူပြည်သူများအနေဖြင့်လည်း ကာကွယ်ရေးပစ္စည်းများဖြစ်သည့် လက်အိတ်၊ ပါးစပ်၊ နှာခေါင်းစည်းများ တပ်ဆင်ပြီး ရောင်းချသွားကြရန် ကြိုတင်အသိပေးကြေညာခြင်း ဖြစ်ကြောင်း သိရှိရသည်။

ကိုမျိုး(ယောဧရာ)