ဆင်ပေါင်ဝဲ ၁ ဇူလိုင်
မကွေးတိုင်းဒေသကြီး၊ သရက်ခရိုင်၊ ဆင်ပေါင်ဝဲမြို့နယ်၌ လူမှုဝန်ထမ်းကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာန၊ မြို့နယ်လူမှုဝန်ထမ်းဦးစီးဌာနမှ ၂၀၂၀-၂၀၂၁ ဘဏ္ဍာရေးနှစ်၊ ဒုတိယ (၃) လပတ်အတွက် အ သက် (၈၅) နှစ်အထက် ဘိုးဘွားများအား လူမှုရေးပင်စင်ထောက်ပံ့ပေးခြင်းကို ယမန်နေ့ နံနက်(၁၀) နာရီက မြို့ နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ထောက်ပံ့ပေးအပ်ကြောင်း သိရသည်။
အဆိုပါ ထောက်ပံ့ငွေပေးအပ်ပွဲတွင် မြို့နယ်စီမံအုပ်ချုပ်ရေးအဖွဲ့ ဉက္ကဋ္ဌဦးသိန်းဇော်ဦးနှင့် အဖွဲ့ဝင်များက အမှာစကား ပြောကြားခဲ့ပြီး မြို့နယ်အတွင်းရှိ ရပ်ကွက်/ကျေးရွာအုပ်စု(၄၉)အုပ်စုမှ အသက်(၈၅) နှစ်အထက် (ဇန်နဝါရီ၊ ဖေဖော်ဝါ ရီ၊ မတ်) လများအတွက် ဘိုးဘွားတစ်ဦးလျှင် (၃၀၀၀၀)နှုန်းဖြင့် ဘိုးဘွားစုစုပေါင်း (၇၃၆) ဦးအတွက် ထောက်ပံ့ငွေ (၂၂၀၈၀၀၀၀)ကျပ် (သိန်းနှစ်ရာနှစ်ဆယ်ရှစ်သောင်း)အား ရပ်ကျေးအုပ်ချုပ်ရေး မှူးများထံသို့ လွှဲပြောင်းထောက်ပံ့ ပေးအပ်ခဲ့သည်။
ထောက်ပံ့ငွေများကို ရပ်ကျေးအုပ်ချုပ်ရေးမှူး များမှတစ်ဆင့် သက်ကြီးဘိုးဘွားများအား အိမ်တိုင်ရာရောက် ထောက်ပံ့ပေး သွားမည်ဖြစ် ကြောင်း သိရသည်။
- ချိုချိုဝင်း
