မန္တလေး ၃၀ စက်တင်ဘာ
နိုင်ငံတော်မှ ဝယ်ယူထားသော အရန်ဆန်များအား မြန်မာနိုင်ငံဆန်စပါး အသင်းချုပ်ကကြီးကြပ်၍ Covid-19 ရောဂါ ကာကွယ်၊ ထိန်းချုပ်၊ ကုသမှုများ ဆောင်ရွက်နေစဉ်ကာလ ဆန်ဈေးနှုန်းများ မြင့်တက်မှု မရှိစေရေးနှင့် ဆန်ဈေးတည်ငြိမ်စေရေးအတွက် မန္တလေးမြို့တွင် လက်လီဆိုင်များ ဖွင့်လှစ်၍ အထူးနှုန်းဖြင့် ရောင်းချပေးလျက်ရှိသည်။
မန္တလေးမြို့ ချမ်းအေးသာစံမြို့နယ် ၈၆ လမ်း၊ လမ်း ၃၀ နှင့် ၃၁ လမ်းနှင့် ၈၈ လမ်း ၃၃ လမ်းနှင့် ၃၄ လမ်းကြားနှင့် ချမ်းမြသာစည်မြို့နယ် ထွန်တုံးရပ်ကွက် ၅၁ လမ်းနှင့် ၁၁၂ လမ်းထောင့်တွင် ဆန်လက်လီ အရောင်းဆိုင်ဖွင့်၍ ဆန်(၁)ပြည် ကျပ်(၁၀၀၀)၊ ဆန်(၂၄)ပြည် တစ်အိတ်ကျပ် (၂၄၀၀၀)ဖြင့် ဧည့်မထအုပ်စုဝင် ဆန်များအား ရောင်းချပေးလျက်ရှိကြောင်း သိရသည်။
မောင်ပြည်သူ(မန္တလေး)
