ဩဂုတ် ၁၇
ဆူဒန်နိုင်ငံတွင် မကြာသေးမီက မိုးသည်းထန်စွာရွာသွန်းမှုကြောင့် ရေကြီးရေလျှံမှုများဖြစ်ပွားသဖြင့် သေဆုံးသူ ၇၅ ဦးအထိရှိလာကြောင်း နိုင်ငံ၏အမျိုးသားအရပ်ဘက်ကာကွယ်ရေးကောင်စီက ယမန်နေ့ကပြောကြားသည်။
အဆိုပါမိုးကြောင့် လူ ၃၀ ဒဏ်ရာရရှိပြီး နေအိမ် ၂၀၇၅၁ လုံး ပျက်စီးခဲ့သည်ဟု ထိုကောင်စီက ထုတ်ပြန်ချက်တွင် ဖော်ပြထားသည်။
မိုးရာသီစတင်ချိန်ကတည်းက မိုးသည်းထန်စွာရွာသွန်းမှုနှင့်ရေကြီးရေလျှံမှုတို့ကြောင့် နိုင်ငံတစ်ဝန်းရှိ လူပေါင်း ၃၈၀၀၀ ခန့်မှာ ရေဘေးသင့်ဒဏ်ခံခဲ့ရကြောင်း ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံးက ယမန်နေ့ကထုတ်ပြန်ချက်တွင် ပြောကြားထားသည်။
ဆူဒန်နိုင်ငံတွင် ဇွန်လမှ အောက်တိုဘာလအထိ သည်းထန်စွာရွာသွန်းသောမိုးကြောင့် ရေကြီးရေလျှံမှုများ မကြာခဏဖြစ်ပွားလေ့ရှိသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
