စလင်း ၂၈ ဖေဖေါ်ဝါရီ
မကွေးတိုင်းဒေသကြီး၊ စလင်းမြို့နယ် အားကစားနှင့်ကာယပညာဦးစီးဌာနနှင့် အခြေခံပညာဉီးစီး ဌာနတို့ပူးပေါင်း၍ ကျောင်းသားကျောင်းသူများအား နွေရာသီကျောင်းပိတ်ရက်များတွင် အချိန်ကိုအကျိုးရှိစွာ အသုံးချတတ်စေရန်နှင့် မျိုးဆက်သစ်အားကစားလူငယ်မောင်မယ်များ ပေါ်ထွန်းလာစေရန်ရည်ရွယ်၍ နွေရာသီအားကစားသင်တန်းများ ဖွင့်လှစ်သင်ကြားပေးသွားမည်ဖြစ်ကြောင်း သိရသည်။
စလင်းမြို့နယ် အားကစားနှင့်ကာယပညာဉီးစီးဌာနအနေဖြင့် ဘောလုံး၊ ပိုက်ကျော်ခြင်း၊ ရိုးရာခြင်း၊ စားပွဲတင်တင်းနစ်၊ ကြက်တောင်၊ ပြေးခုန်ပစ်၊ ဘတ်စကတ်ဘော၊ အလေးမ စသည့်အားကစားနည်း(၈)မျိုး အား အခြေခံကစားနည်းမှစ၍ မတ်လ ၇ ရက်နေ့မှ ၁၆ ရက်နေ့ထိ စလင်းမြို့ မြို့မဘောလုံးအားကစားကွင်း နှင့် ဆင်ဖြူကျွန်းမြို့ အခြေခံပညာအထက်တန်းကျောင်းတို့တွင် အခမဲ့ဖွင့်လှစ်သင်ကြားပေးသွားမည်ဖြစ်ပြီး မြို့နယ် အား/ကာဉီးစီးဌာနရုံးထံဆက်သွယ်၍ ကြိုတင်စာရင်းပေးသွင်းနိုင်ကြောင်းသိရသည်။
စိုးမိုးသူ(စလင်း)
