ရန်ကုန် မေ ၁၄
ရန်ကုန်တိုင်းဒေသကြီး၊ ဒဂုံမြို့နယ်၊ ယောမင်းကြီးရပ်ကွက်၊ ဦးဝိစာရလမ်းတွင် ယနေ့နံနက် ၅ နာရီခွဲက လေပြင်းတိုက်ခတ်မှုကြောင့် လုံးပတ်၊ အရှည်(၃ ပေ၊ ပေ ၄၀)ခန့်ရှိ စိန်ပန်းပင်သည် လမ်းပေါ်သို့ ပြိုလဲကျခဲ့ပြီး ယာဉ်နှင့် လူထိခိုက်မှုမရှိကြောင်း၊ လျှပ်စစ်ကြိုးနှင့် ဆက်သွယ်ရေးကြိုးများ ပြတ်တောက်ခဲ့ပြီး လမ်းတစ်ခြမ်း ခေတ္တပိတ်ဆို့ ရှင်းလင်းခဲ့ကြကြောင်း သိရသည်။
ထို့ပြင် ဒဂုံမြို့နယ်၊ ဦးဝိစာရရပ်ကွက်၊ မြို့မကျောင်းလမ်း၊ မိုင်ဒါကွင်းရှေ့ရှိ (၁ ပေ)ခန့် အရှည်(၁၅ ပေ) ခန့်ရှိသော ပျဉ်းမပင်၏ သစ်ကိုင်းတစ်ကိုင်း ကျိုးကျခဲ့ကြောင်း၊ ပြည်သူ့ရင်ပြင်တွင်လည်း ယနေ့နံနက် ၇ နာရီခန့်က Stage စင် ပြိုလဲကျမှုဖြစ်ပွားခဲ့ကြောင်း၊ ပျက်စီးမှုများအား သက်ဆိုင်ရာက ခုတ်ထွင်ရှင်းလင်း သယ်ယူဆောင်ရွက်ခဲ့ကြကြောင်း သတင်းရရှိသည်။
ကြည်ဇေသော်
