(၂၀၂၀) ပြည့်နှစ်၊ ဇွန်လ (၁၈) ရက်

မွေးကင်းစကလေးတွေကို မိခင်နို့ဦးရည် မဖြစ်မနေတိုက်ကျွေးဖို့ ဘာကြောင့်လိုအပ်တာလဲ?

• ကိုယ်ဝန်လရင့်ချိန်မှစ၍ မွေးဖွားပြီး (၂)ရက်မှ (၅)ရက်အတွင်း မိခင်နို့ဦးရည်ထွက်ပါတယ်။

• မိခင်နို့ဦးရည်က အဝါရင့်ရင့်အရောင်ရှိပြီး နှောင်းပိုင်းနို့ရည်ထက်ပိုစေးပျစ်ပါတယ်။

• မိခင်နို့ဦးရည်မှာ အဓိကအားဖြင့် ရောဂါကာကွယ်နိုင်တဲ့ ပဋိပစ္စည်းများ၊ ပရိုတင်းဓာတ်၊ အဆီဓာတ်၊ သကြားဓာတ်၊ ဗီတာမင်နဲ့ သတ္ထုဓာတ်များစွာပါဝင်ပြီး မွေးကင်းစကလေးအတွက် လုံလောက်ပြည့်ဝတဲ့ အာဟာရ ဖြစ်ပါတယ်။

• ရောဂါကာကွယ်နိုင်တဲ့ ပဋိပစ္စည်းများစွာပါဝင်တဲ့အတွက် မိခင်နို့ဦးရည်ဆိုတာ မွေးကင်းစ ကလေးတွေ မိခင်ထံမှ ပထမဆုံးရရှိတဲ့ ရောဂါကာကွယ်ဆေးပဲဖြစ်ပါတယ်။

• ဒါ့အပြင် ကိုယ်ခံအားစနစ်တစ်ခုလုံးကို ကောင်းမွန်စေပြီး ရောဂါပိုးမွှားများကူးစက်မှုကို ကာကွယ် နိုင်ပါတယ်။

• အသားဝါခြင်း (Jaundice) မဖြစ်စေရန် ကာကွယ်ပေးပြီး အစာအိမ်နှင့် အူလမ်းကြောင်း ဖွံ့ဖြိုးမှုကို ကောင်းမွန်စေပါတယ်။

• အစာခြေဖျက်လွယ်ပြီး ငယ်ချီး (Meconium) များကို သန့်စင်ပေးနိုင်ပါတယ်။

• ဓာတ်မတည့်ခြင်း (ဥပမာ - အရေပြားယားယံခြင်းဖြစ်ပွားမှု) ကို လျှော့ချနိုင်ပါတယ်။

• လမစေ့ကလေးများအတွက်လည်း အကောင်းမွန်ဆုံးအာဟာရဖြစ်ပါတယ်။

"မိခင်နို့ဦးရည်ကို မွေးပြီး (၁)နာရီအတွင်း (စောနိုင်သမျှစောစော) တိုက်ကျွေးခြင်းဖြင့် အထက်ဖော်ပြပါ အကျိုးကျေးဇူးများကို ရယူပါ။"

#Ministry_of_Health_and_Sports, #MoHS, #Todays_Message, #ဒီနေ့အတွက်သိကောင်းစရာ