မကွေး ၁၂ ဒီဇင်ဘာ
ပြန်ကြားရေးဝန်ကြီးဌာန ဒုတိယဝန်ကြီး ဦးအောင်လှထွန်းသည် လူငယ်ဘက်စုံဖွံ့ဖြိုးရေးပွဲတော်(မကွေး) ကြိုတင်ပြင်ထားမှုများကို ယနေ့မွန်းလွဲပိုင်းတွင် ကြည့်ရှုစစ်ဆေးသည်။
ဒုတိယဝန်ကြီးသည် မကွေးတက္ကသိုလ် ဘွဲ့နှင်းသဘင်ခန်းမအတွင်း ပြင်ဆင်ထားရှိမှုများ၊ စာအုပ်များ ခင်းကျင်းပြသထားမှုများ၊ ဌာနဆိုင်ရာများမှ ခင်းကျင်းပြသမည့် အသိပညာပေးပြခန်းများ၊ ဖျော်ဖြေရေးစင်မြင့် ပြင်ဆင်ထားရှိမှုနှင့် အားကစားပြိုင်ပွဲများကျင်းပရန် ပြင်ဆင်ထားရှိမှုများကို လှည့်လည်ကြည့်ရှု စစ်ဆေးသည်။
လူငယ်ဘက်စုံဖွံ့ဖြိုးရေးပွဲတော်(မကွေး)ကို ဒီဇင်ဘာ ၁၄ ရက်မှ ၁၆ ရက်အထိ (၃)ရက်ကြာ ကျင်းပသွားမည်ဖြစ်ကြောင်း သိရသည်။
ဝေလွင်
