ပုသိမ်  ၁၇  နိုဝင်ဘာ

ဧရာဝတီတိုင်းဒေသကြီး အစိုးရအဖွဲ့၏ စီစဉ်မှုဖြင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အခြေခံပညာ ဦးစီးဌာနနှင့် သက်ဆိုင်ရာ ခရိုင်၊ မြို့နယ်စီမံခန့်ခွဲမှု ကော်မတီတို့ ပူးပေါင်း၍ ၂၀၁၉-၂၀၂၀ ဘဏ္ဍာနှစ်တွင် မြို့နယ် (၂၆)မြို့နယ်၌ ကလေးစာပေပွဲတော်များ ကျင်းပလျက်ရှိရာ ဒီဇင်ဘာလအတွင်း မြို့နယ် (၆) မြို့၌ ကျင်းပမည်ဖြစ်သည်။

က​လေးစာ​ပေပွဲ​တော်များကို ဒီဇင်ဘာ ၂ ရက်မှ ၃ ရက်ထိ ​လေးမျက်နှာမြို့၊ ဒီဇင်ဘာ ၄ ရက်မှ ၅ ရက်ထိ ​မြောင်းမြမြို့၊ ဒီဇင်ဘာ ၁၃ ရက်မှ ၁၄ ရက်ထိ ပန်းတ​နော်မြို့၊ ဒီဇင်ဘာ ၁၆ ရက်မှ ၁၇ ရက်ထိ ​ဒေးဒရဲမြို့၊ ဒီဇင်ဘာ ၁၈ ရက်မှ ၁၉ ရက်ထိ ဝါးခယ်မမြို့၊ ဒီဇင်ဘာ ၂၇ ရက်မှ ၂၈ ရက်ထိ ​ကျောင်းကုန်းမြို့တို့တွင် တစ်မြို့နယ်လျှင် (၂)ရက်စီဖြင့် ကျင်းပသွား မည်ဖြစ်သည်။

အဆိုပါ ကလေးစာပေပွဲတော်များတွင် ပုံပြော၊ ကဗျာရွတ်၊ ကျပန်း စကားပြောပြိုင်ပွဲများ၊ စာပေဟောပြောပွဲနှင့် စာပေဆွေးနွေးပွဲ၊ ပန်းချီနှင့် ဆေးရောင်ခြယ်ပြိုင်ပွဲ၊ စကားပုံဆက်၊ အရုပ်ဆက်၊ အိမ်ဆောက်ကစားနည်းများ၊ ဂိမ်းကစားနည်းများ၊ ဖျော်ဖြေရေး အစီအစဉ်များ၊ ထူးချွန်ထင်ရှား ဧရာဝတီတိုင်းသားများ ပြခန်းနှင့် အသိပညာပေးပြခန်းများ၊ ကလေးစာဖတ်ခန်းနှင့် စာအုပ်အရောင်းဆိုင်များ၊ မြန်မာယူနီကုဒ်စနစ် အခမဲ့​ပြောင်းလဲပေးခြင်းများကို ထည့်သွင်းကျင်းပ သွားမည်ဖြစ်ပြီး မည်သူမဆို ပါဝင်ဆင်နွှဲနိုင်ကြောင်း သိရသည်။

တိုးဝေဇင်(တိုင်းပြန်/ဆက်)