မေ ၂၀
ဂါဇာကမ်းမြောင်ဒေသတွင် အစ္စရေးတပ်ဖွဲ့၏ဆက်လက်တိုက်ခိုက်မှုကြောင့် ပါလက်စတိုင်းသေဆုံးသူ ၃၅၄၅၆ ဦး ရှိလာကြောင်း ဂါဇာကျန်းမာရေးအာဏာပိုင်များက ယမန်နေ့က သတင်းထုတ်ပြန်ခဲ့သည်။ လွန်ခဲ့သော ၂၄ နာရီအတွင်း အစ္စရေးစစ်တပ်၏တိုက်ခိုက်မှုကြောင့် ပါလက်စတိုင်း ၇၀ သေဆုံးပြီး အခြား ၁၁၀ ဒဏ်ရာရရှိခဲ့သည်ဟု သိရသည်။ ၂၀၂၃ ခုနှစ် အောက်တိုဘာလက ပါလက်စတိုင်း-အစ္စရေး ပဋိပက္ခဖြစ်ပွားခဲ့ပြီးနောက်ပိုင်း ပါလက်စတိုင်းသေဆုံးသူပေါင်း ၃၅၄၅၆ ဦးနှင့် ဒဏ်ရာရရှိသူပေါင်း ၇၉၄၇၆ ဦး ရှိလာကြောင်း ဖော်ပြထားသည်။ ယမန်နှစ် အောက်တိုဘာလ ၇ ရက်က အစ္စရေးတောင်ပိုင်းကို ဟားမတ်စ်တို့ ထိုးစစ်ဆင်တိုက်ခိုက်မှုကြောင့် အစ္စရေး ၁၂၀၀ ခန့်သေဆုံးပြီး ၂၅၀ နီးပါး ဓားစာခံအဖြစ် ဖမ်းဆီးခံရသဖြင့် အစ္စရေးတို့က ဂါဇာကမ်းမြောင်ဒေသရှိ ဟားမတ်စ်တို့အား လက်တုံ့ပြန်တိုက်ခိုက်မှုမှုများပြင်းပြင်းထန်ထန်ပြုလုပ်လျက်ရှိသည်ဟု သိရသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
