ဂွ မေ ၃
ရခိုင်ပြည်နယ်၊ ဂွမြို့နယ်တွင် သိမ်ကုန်းစေတီတော်ဝန်းအတွင်းရှိ ဗောဓိညောင်ပင်၌ ညောင်ရေ သွန်းလောင်းပွဲ မင်္ဂလာအခမ်းအနားကို ယနေ့ ညနေ ၅ နာရီတွင် စည်ကားသိုက်မြိုက်စွာ ကျင်းပခဲ့သည်။
အဆိုပါ ညောင်ရေသွန်းလောင်းပွဲသို့ မြို့နယ်စီမံအုပ်ချုပ်ရေး အဖွဲ့ဝင်များ၊ ဒုတိယမြို့နယ် အုပ်ချုပ်ရေးမှူး ဦးကျော်လင်းနှင့် မြို့နယ်အဆင့်ဌာနဆိုင်ရာ အကြီးအကဲများ၊ မြို့ပေါ်ရပ်ကွက် အုပ်ချုပ်ရေးမှူးများ၊ ရပ်မိရပ်ဖများ၊ ရခိုင်ရိုးရာ ယဉ်ကျေးမှုစည်တော်အဖွဲ့၊ မိခင်နှင့်ကလေး၊ အမျိုးသမီးရေးရာအဖွဲ့ဝင်များက သိမ်ကုန်းစေတီဝန်းအတွင်းရှိ ဗောဓိညောင်ပင် ရှိရာသို့ သွားရောက်၍ ညောင်ရေသွန်းလောင်း ကုသိုလ်ပြုခြင်းများ ပြုလုပ်ခဲ့ကြကြောင်း သိရသည်။
ရွှေရည်ဝင်းကျော်
