ရန်ကုန် ၁၂ မတ် 

ဂျပန်နိုင်ငံ NHK အသံလွှင့်ဌာနမှ ရိုက်ကူးရေးအဖွဲ့သည် ယနေ့တွင် ရန်ကုန်မြို့ ရန်ကင်းမြို့နယ်ရှိ ရန်ကုန်ရုပ်ရှင်သင်တန်းကျောင်း (Yangon Film School- yfs) သို့ သွားရောက်ပြီး အခြေခံရိုက်ကူးရေး သင်တန်းဖွင့်လှစ်သင်ကြားမှုကို မှတ်တမ်းရိုက်ကူးသည်။

မြန်မာ့ရုပ်ရှင် ပြောင်းလဲတိုးတက်လာမှုအဖြစ် Cartoon, Animation များအား စိတ်ဝင်စားမှု မြင့်တက်လာသည့် အခြေအနေကို ပုဂ္ဂလိကရုပ်ရှင် သင်တန်းကျောင်းဖြစ်သော (yfs) တွင် သင်ကြားနေမှုများအား အခြေခံရိုက်ကူးပြီး စိတ်ဝင်စားဖွယ် Documentary ပြသနိုင်ရန် ဆောင်ရွက်ခြင်းဖြစ်သည်။

အဆိုပါအဖွဲ့သည် မတ် ၁၃ ရက်မှ ၂၅ ရက်အတွင်း yfs တွင် ရိုက်ကူးမှုအပြင် မြန်မာ့ရုပ်ရှင် သမိုင်းပြတိုက်၊ သမ္မတရုပ်ရှင်ရုံပတ်ဝန်းကျင်နှင့် ကာတွန်းဦးဝင်းဖေ(အဖျောက်)၏ တစ်နေ့တာလှုပ်ရှားမှု ဘဝပုံရိပ်များ၊ ၎င်း၏ ကာတွန်းလက်ရာများကို ဆက်လက်ရိုက်ကူးမည်ဖြစ်ကြောင်း၊ ထိုသို့ ရိုက်ကူးထားရှိမှုများကို NHK အသံလွှင့်ဌာန၏ NHK World Channel တွင် ထုတ်လွှင့်ပြသမည်ဖြစ်ကြောင်း သိရသည်။

ဝင်းထိန်(FDC)