တိုကျို ဖေဖော်ဝါရီ ၂
ဂျပန်နိုင်ငံ၌ ဆိုးရွားပြင်းထန်သော ဆောင်းရာသီဥတုအခြေအနေများနှင့် ဆီးနှင်းထူထပ်စွာကျဆင်းမှုနှင့် ဆက်စပ်သော ဖြစ်ရပ်များကြောင့် လွန်ခဲ့သည့် ၁၄ ရက်အတွင်း ၂၇ ဦး သေဆုံးမှုဖြစ်ပွားကြောင်း မီးသတ်နှင့်ဘေးအန္တရာယ် စီမံခန့်ခွဲရေးအေဂျင်စီက ပြောကြားသည်။
ဖေဖော်ဝါရီ ၂ ရက်အထိ ရရှိထားသော စာရင်းဇယားများအရ ဂျပန်ပင်လယ်ကမ်းရိုးတန်းရှိ နိအိဂတာခရိုင်တွင် ၁၂ ဦး၊ နိုင်ငံမြောက်ပိုင်း အကိတာခရိုင်တွင် ခြောက်ဦး၊ ဟော့ကိုင်းဒိုးခရိုင်တွင် သုံးဦး၊ အိဝါတဲ၊ ယာမာဂတာနှင့် ရှိမာနဲခရိုင်တို့တွင် တစ်ဦးစီ သေဆုံးကြောင်း သိရသည်။
ဆီးနှင်းထူထပ်စွာ ကျဆင်းမှုနှင့် ဆက်စပ်သောဖြစ်ရပ်များကြောင့် လူပေါင်း ၂၉၀ မှာ ထိခိုက်ဒဏ်ရာရရှိခဲ့ပြီး အချို့မှာ ပြင်းထန်မှုရှိကြောင်း သိရသည်။
အင်န်အိတ်ချ်ကေ
