စက်တင်ဘာ ၁၉
ဂျပန်နိုင်ငံတွင် ဩဂုတ်လအတွင်း နိုင်ငံခြားခရီးသွား ၂၉၃၃၀၀၀ စံချိန်တင်ဝင်ရောက်မှုရှိရာ အစောပိုင်းနှစ်က နိုင်ငံခြားခရီးသွားဝင်ရောက်မှုထက် ၃၆ ဒသမ သုည ရာခိုင်နှုန်းမြင့်တက်ခဲ့ကြောင်း အစိုးရအဖွဲ့က ယနေ့တွင် သတင်းအချက်အလက်ဖော်ပြထားသည်။
အဆိုပါခရီးသွားဝင်ရောက်မှုသည် ကိုဗစ်-၁၉ ရောဂါကူးစက်မှုမဖြစ်ပွားမီ ၂၀၁၉ ခုနှစ် ဩဂုတ်လကထက် နိုင်ငံခြားခရီးသွား ၁၆ ဒသမ ၄ ရာခိုင်နှုန်းပိုမိုဝင်ရောက်ခဲ့သည်ဟု ခရီးသွားလုပ်ငန်းအဖွဲ့က ပြောသည်။
တရုတ်ပြည်မကြီးမှခရီးသွား ၇၄၅၈၀၀ ဝင်ရောက်မှုရှိရာ ခရီးသွားဝင်ရောက်မှုအများဆုံးဖြစ်ပြီး ၎င်းနောက်တွင် တောင်ကိုရီးယားနိုင်ငံမှခရီးသွားဝင်ရောက်မှု ၆၁၂၁၀၀ ရှိသည်ဟု သိရသည်။
ဇန်နဝါရီလမှဩဂုတ်လအတွင်း နိုင်ငံခြားခရီးသွား ၂၄ သန်းကျော် ဝင်ရောက်မှုရှိသဖြင့် လွန်ခဲ့သောနှစ်အလားတူကာလက နိုင်ငံခြားခရီးသွားဝင်ရောက်မှုမှ ၅၈ ဒသမ သုည ရာခိုင်နှုန်း တိုးလာကြောင်း ထိုအဖွဲ့ကပြောသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
