နေပြည်တော် ၂၉ ဒီဇင်ဘာ
ရှမ်းပြည်နယ်၊ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များပါဝင်သည့် ပူးပေါင်းအဖွဲ့သည် ဒီဇင်ဘာ ၂၈ ရက်တွင်ဟိုပုံးမြို့နယ်၊ ဟွေ့လုံကျေးရွာ၏ အနောက်ဘက် ၁ မိုင်ခန့်အကွာ၌ အမြင့် ၁ ပေခန့် သီးပွင့်ဆဲ ဘိန်းစိုက်ခင်း ၁၀ ဧကခန့်အား ဖျက်ဆီးခဲ့သည်။
အလားတူ ဝိုင်းမော်မြို့နယ်၊ တာကြားဟော့ကျေးရွာအနီး၌ အမြင့် ၁ လက်မမှ ၆ လက်မထိ ဖွံ့ဖြိုးဆဲ ဘိန်းစိုက်ခင်း ၃၅ ဧက၊ ဆီဆိုင်မြို့နယ်၊ ထီအုံးကျေးရွာ၏ အရှေ့တောင်ဘက် ၁ မိုင်ခွဲခန့် အကွာ၌ အမြင့် ၂ ပေခန့် သီးပွင့်ဆဲ ဘိန်းစိုက်ခင်း ၁၉ ဧက၊ နန်းယွန်းမြို့နယ်၊ လခြမ်းကျေးရွာ ၏ မြောက်ဘက်၌ အမြင့် ၁ လက်မမှ ၅ လက်မခန့်ထိ ဖွံ့ဖြိုးဆဲ ဘိန်းစိုက်ခင်း ၁၄ ဒသမ ၇၅ ဧကခန့်၊ ပင်လောင်းမြို့နယ်၊ ချုံပုတ်ကျေးရွာ၏ အနောက်မြောက်ဘက် ၂ မိုင်ခန့်အကွာ၌ အမြင့် ၂ ပေခန့် သီးပွင့်ဆဲ ဘိန်းစိုက်ခင်း ၈ ဧကတို့အား သက်ဆိုင်ရာရဲတပ်ဖွဲ့များက ဖျက်ဆီးခဲ့ကြောင်း သိရသည်။
(ရဲပြန်ကြား)
