ဇီးကုန်း ၁၄ အောက်တိုဘာ
(၄၈)ကြိမ်မြောက် မြို့နယ်လုံးကျွတ် သံဃဒါန ဆွမ်းဆန်စိမ်းလောင်းလှူပွဲကို ပဲခူးတိုင်းဒေသကြီး သာယာဝတီခရိုင် ဇီးကုန်းမြို့နယ်၌ ယနေ့ မွန်းလွဲ ၁ နာရီက စည်ကားသိုက်မြိုက်စွာ ကျင်းပပူဇော် လောင်းလှူခဲ့ကြောင်း သိရသည်။
ထိုသို့ ဆွမ်းဆန်စိမ်းလောင်းလှူရာတွင် ဘုရားရှင်အမှူးပြု၍ ကျောင်းတိုက်အသီးသီးတွင် ဝါဆိုဝါကပ်တော်မူကြသော ရဟန်းသာမဏေနှင့် သီလရှင်အပါး (၂၆၉)ပါးတို့သည် အမှတ်(၄)ရပ်ကွက်ရှိ သမားတော်ကျောင်းတိုက်မှ စတင်၍ သမိုင်းဝင် မြသိန်းတန် စေတီတော်မြတ်ကြီးအထိ အလှူခံကြွချီရာ ဌာနဆိုင်ရာများ၊ ရပ်ကွက်ကျေးရွာအုပ်စုများမှ အလှူရှင်များ၊ နိုင်ငံရေးပါတီများ၊ လုပ်ငန်းရှင်များ၊ လူမှုရေးအသင်းအဖွဲ့များနှင့် ရပ်နီးရပ်ဝေးမှ အလှူရှင်များက ဆွမ်းဆန်တော်များ၊ ဝတ္ထုငွေနှင့် လှူဖွယ်ပစ္စည်းများကို လောင်းလှူပူဇော်ခဲ့ကြသည်။
အဆိုပါ လှူဒါန်းမှု အစုစုတို့ကို မြသိန်းတန်စေတီတော် ပဋ္ဌာန်းဓမ္မာရုံကြီးအတွင်း၌ စုပေါင်း၍ ရေစက်သွန်းချ အမျှပေးဝေခဲ့ကြောင်း သိရသည်။
တင့်ဆွေ(ပြန်/ဆက်)
