နေပြည်တော် ၂၈ ဇွန်
ယနေ့တွင် ကိုဗစ်-၁၉ ရောဂါပိုးရှိသူ ၆ ဦးထပ်မံတွေ့ရှိသဖြင့် ယနေ့အထိ ရောဂါပိုးရှိသူ စုစုပေါင်း ၂၉၉ ဦး ရှိသွားပြီဖြစ်ကြောင်း၊ ထပ်တိုးလူနာ ၆ ဦးမှာ တနင်္သာရီတိုင်းဒေသကြီး သရက်ချောင်းမြို့နယ်မှ တစ်ဦးနှင့် ရန်ကုန်တိုင်းဒေသကြီး လှိုင်မြို့နယ်မှ ငါးဦး ဖြစ်ကြောင်း၊ တစ်ဦးမှာ ထိုင်းနိုင်ငံမှ ပြန်လည်ဝင်ရောက်လာသူ ဖြစ်ပြီး ငါးဦးမှာ အိန္ဒိယနိုင်ငံမှ ပြန်လည်ဝင်ရောက်လာသူများဖြစ်ကြောင်း သိရသည်။
ရောဂါပိုးတွေ့ရှိသူ ၂၉၉ ဦးအနက် သေဆုံးသူ ၆ ဦး၊ ပိုးမတွေ့ရှိတော့သူ ၂၁၈ ဦး၊ ဆေးရုံမှ ဆင်းခွင့်ပြုခဲ့သူ ၂၀၆ ဦးနှင့် ဇွန် ၂၇ ရက် မွန်းတည့် ၁၂ နာရီမှ ဇွန် ၂၈ မွန်းတည့် ၁၂ နာရီအတွင်း စောင့်ကြည့် လူနာအသစ် ၁၉ ဦးရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ထုတ်ပြန်ချက်များအရ သတင်းရရှိသည်။
သတင်းစဉ်
