ကာလိ  ဧပြီ   ၁

ရှမ်းပြည်နယ်(တောင်ပိုင်း) ကွန်ဟိန်းမြို့နယ် ကာလိမြို့၌    ကွန်ပန်-ကွန်ခုံး အလွတ်တန်း ဖိတ်ခေါ်ဖလားဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ပွဲအခမ်းအနားကို  ယမန်နေ့က  ကာလိမြို့  အမှတ်(၄)ရပ်ကွက်  ဘောလုံးအားကစားကွင်း၌  ကျင်းပသည်။

ဆုများပေးအပ်ချီးမြှင့်

ဦးစွာ ဗိုလ်လုပွဲအဖြစ် ကာလိ(FC)(A)အသင်းနှင့်  Friend Shit (FC)အသင်းတို့ ယှဉ်ပြိုင်ကစားကြရာ ကာလိ(FC)(A)အသင်းက  ခြောက်ဂိုး - တစ်ဂိုးဖြင့် အနိုင်ရဗိုလ်စွဲခဲ့သည်။ ဆက်လက်၍ ဆုချီးမြှင့်ခြင်း အခမ်းအနားကို ကျင်းပရာ ကွန်ပန်-ကွန်ခုံး အလွတ် တန်းဖိတ်ခေါ်ဖလား  ဘောလုံးပြိုင်ပွဲတွင်  အနိုင်ရဗိုလ်စွဲခဲ့ကြသည့်အသင်းများနှင့် ပွဲစဉ်တစ်လျှောက် နောက်တန်း၊ အလယ်တန်း၊ ရှေ့တန်းအကောင်းဆုံး အားကစားသမားများအား နယ်မြေခံတပ်နယ်မှ ဗိုလ်မှူးကြီး ဝင်းသုအောင်နှင့် တာဝန်ရှိသူများက ဆုဖလား၊   ဆုတံဆိပ်နှင့် ငွေသားဆုများကို ပေးအပ်ချီးမြှင့်ခဲ့ကြသည်။

ကြည့်ရှု အားပေး

အဆိုပါ  ကွန်ပန်-ကွန်ခုံး အလွတ်တန်း ဖိတ်ခေါ်ဖလားဘောလုံးပြိုင်ပွဲသို့ နယ်မြေခံတပ်နယ်မှ တာဝန်ရှိသူများ၊ ကွန်ဟိန်းမြို့နယ်အုပ်ချုပ်ရေးမှူး   ဦးဝင်းနိုင်၊ ကာလိမြို့အုပ်ချုပ်ရေးမှူး ဦးကောင်းမြတ်သူနှင့် ဌာနဆိုင်ရာဝန်ထမ်းများ၊ ဖိတ်ကြားထားသော ဧည့်သည်တော်များနှင့် ဘောလုံးချစ်ပရိသတ်များ လာရောက်ကြည့်ရှုအားပေးခဲ့ကြသည်။        

စည်သူ(ပြန်/ဆက်)