ကျောက်တံခါး အောက်တိုဘာ ၁၃
ပဲခူးတိုင်းဒေသကြီး ၊ ပဲခူးခရိုင်၊ ကျောက်တံခါးမြို့နယ်၌ ကိုဗစ်-၁၉ ရောဂါကာကွယ်ဆေး( Sinopharm ) ပထမ အကြိမ် ထိုးနှံရန်ကျန်ရှိသူများအား ယနေ့ နံနက်ပိုင်းက မြို့နယ်စည်ပင်သာယာခန်းမတွင် ထိုးနှံပေးခဲ့ကြောင်း သိရသည်။
အဆိုပါ ကာကွယ်ဆေးထိုးနှံရာတွင် တစ်ကြိမ်တစ်ခါမှ မထိုးနှံရသေးသည့် မသန်စွမ်းသူများ၊ နာတာရှည်နှင့် မကူးစက်နိုင်သောရောဂါရှိသူများအပါအဝင် သတ်မှတ်ဦးစားပေး အုပ်စုအလိုက် ကာကွယ် ဆေးထိုးနှံရန် ကျန်ရှိသူများအား ပထမအကြိမ် ဆေးထိုးနှံပေးခြင်းကို မြို့နယ်စီမံအုပ်ချုပ်ရေးအဖွဲ့ ဥက္ကဌနှင့် အဖွဲ့ဝင်များက ကာကွယ် ဆေးထိုးနှံပေးရာတွင် ကြီးကြပ်ဆောင်ရွက်ပေးခဲ့သည်။
အလားတူ ကိုဗစ်-၁၉ ရောဂါ ကာကွယ်ဆေးထိုးနှံခြင်းလုပ်ငန်းကို မြို့ချောင်း၊ တောကျွဲအင်း၊ ပဲနွယ်ကုန်းနှင့် ဖဒိုတို့တွင်လည်းကာကွယ်ဆေးထိုးနှံပေးလျှက်ရှိသည်။ဆေးထိုးခြင်းအားကျန်းမာရေး ဦးစီးဌာနမှဝန်ထမ်းများက ဆောင်ရွက်ပေးပြီး ဆေးထိုးခြင်းမပြုမီ လက်သန့်ဆေးရည်ဖြင့် လက်ဆေးစေခြင်း၊ ကိုယ်အပူချိန် တိုင်းတာပေးခြင်း၊ သွေးပေါင်ချိန်တိုင်းတာပေးခြင်း၊ဆေးမထိုးရအုပ်စု မှန်/မမှန် စိစစ်ပြီး ကာကွယ်ဆေး ထိုးပြီးလျှင်ဆေးနှင့်ဓာတ်မတည့်ခြင်းနှင့် ဘေးထွက်ဆိုးကျိုးလက္ခဏာများ တစ်စုံတစ်ရာ ဖြစ်ပေါ်လာပါ က ချက်ချင်းအရေးပေါ် တုံ့ပြန်နိုင်ရန်အတွက် ကျန်းမာရေးဝန်ထမ်းများကပြောကြားခဲ့ပြီး ဆေးထိုးပြီးသူများအား မိနစ်(၂၀)ကြာစောင့်ကြပ် ကြည့်ရှုပေးခဲ့ကြောင်း သိရသည်။
စန်းစန်း
