ကော့မှူး ၁၇ ဇွန်

ရန်ကုန်တိုင်းဒေသကြီး၊ တောင်ပိုင်းခရိုင်၊ ကော့မှူးမြို့နယ်အတွင်းရှိ ကျေးရွာစာကြည့်တိုက်များအတွက် Shen Zhen Foundation က ဒေါ်ခင်ကြည်ဖောင်ဒေးရှင်းမှတစ်ဆင့် ပေးပို့လှူဒါန်းလာသည့် Solar မီးများ လွှဲပြောင်းပေးအပ်ခြင်းကို ဇွန် ၁၇ ရက် နံနက်ပိုင်းက ပုပ္ပါးကျေးရွာ “စေတနာ့အလင်း” စာကြည့်တိုက်တွင် ပြုလုပ်ခဲ့ကြောင်း သိရသည်။

ထိုသို့ လှူဒါန်းပစ္စည်းများ ကျေးရွာအရောက် လွှဲပြောင်းပေးအပ်ရာတွင် မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးမှူး ဦးရဲနောင်ချစ်မှ ကျေးရွာများမှ တာဝန်ရှိသူများနှင့် စာကြည့်တိုက် တာဝန်ခံများထံ အသီးသီးလွှဲပြောင်းပေးအပ်ခဲ့ပြီး အဆိုပါ Solar Syatem-1 Units သည် ငွေကျပ် ၁၈၄၃၀၀ တန်ဖိုးရှိကာ ကော့မှူးမြို့နယ်အတွင်းရှိ မှော်တော၊ ပုပ္ပါး၊ ဝါးဘလောက်သောက်၊ ကျုံဒရယ် ကျေးရွာတို့မှ စာကြည့်တိုက် (၄)တိုက်အား  တစ်စုံစီ လွှဲပြောင်းပေးအပ်ခဲ့ကြောင်း သိရသည်။

မောင်အေးချမ်း