ချောက် နိုဝင်ဘာ ၁၃
မကွေးတိုင်းဒေသကြီး၊ ချောက်မြို့နယ် စိုက်ပျိုးရေးဦးစီးဌာနမှ ဇောင်းတောကန်ကျေးရွာအုပ်စု၊ ဆူးပုတ်တန်း ကျေးရွာ ကွင်းအမှတ်(၂၄၂၁)၊ ဦးပိုင်(၇၂)ရှိ တောင်သူ ဦးမြသိန်း၏ ရွှေတောင်(၁၀) ဝါစံပြကွက်တွင် ပထမအကြိမ်ကောက်ယူမှုကို နိုဝင်ဘာ ၁၂ ရက်က ကွင်းဆင်းဆောင်ရွက်ခဲ့သည်။
ရွှေတောင်(၁၀) ဝါစံကွက်ကောက်ယူမှုကို ၁၀ ရက်ခြား သုံးကြိမ်ကောက်ယူရပြီး မျိုးကောင်းမျိုးသန့် အထွက်နှုန်းသိရှိနိုင်ရေး ကွင်းဆင်းဆောင်ရွက်ခြင်းဖြစ်ကြောင်း၊ ရွှေတောင်(၁၀)ဝါ သည် ဒေသရာသီဥတုနှင့် ကိုက်ညီပြီး စီးပွားရေးတွက်ခြေကိုက်နိုင်သည့် ဝါမျိုးတစ်မျိုးဖြစ်ကြောင်း မြို့နယ်စိုက် ပျိုးရေးဦးစီးဌာနမှ သိရှိရသည်။
ချောက်မြို့နယ်တွင် လက်ရှိ ရွှေတောင်(၁၀) ဝါစံပြကွက် ၅ ဧက ရှိပြီး ၁ ဧက ဝါပိဿာ ၇၀၀ ကျော်ထွက်ရှိပြီး ဒေသခံတောင်သူများ နည်းစနစ်မှန်ကန်စွာ စိုက်ပျိုးနိုင်ရေးနှင့် အထွက်နှုန်းတိုးစေရေး အကြံဉာဏ်ပေးခြင်း၊ မျိုးကောင်းမျိုးသန့်ပံ့ပိုးခြင်း၊ ဖြန့်ဖြူးပေးခြင်းများကို မြို့နယ်စိုက်ပျိုးရေးဦးစီးဌာန ဦးစီးမှူး ဒေါ်အေးမြင့်မြတ်သင်းနှင့်ဝန်ထမ်းများက ကွင်းဆင်းဆောင်ရွက်ပေးလျက်ရှိကြောင်း သိရှိရသည်။
ကျော်မိုး(ပြန်/ဆက်)
