ခင်ဦး(စက်တင်ဘာ-၂၅)
စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ် အားကစားနှင့်ကာယပညာဦးစီးဌာနမှဖွင့်လှစ်သည့် သက်ငယ်မုဒိမ်းပပျောက်ရေးနှင့် အမျိုးသမီးများအကြမ်းဖက်မှုမှကာကွယ်ရေးအစီအစဉ်အရ ခင်ဦးအခြေခံပညာ အထက်တန်းကျောင်း သီရိရတနာခန်းမ၌ ယနေ့နံနက် ၁၀ နာရီက “ကရာတေးဒို” (Kempo) အခြေခံသင်တန်းကို ဖွင့်လှစ်ပေးခဲ့ကြောင်း သိရသည်။
သင်တန်းတွင် မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်ဒုံစေ့က သက်ငယ်မုဒိမ်းပပျောက်ရေးနှင့် အမျိုးသမီးများ အကြမ်းဖက်မှုမှကာကွယ်ရေး အတွက် ကရာတေးဒို သင်တန်းဖွင့်လှစ်ပေးရခြင်း၏ရည်ရွယ်ချက်များကို ရှင်းလင်း ပြောကြားသည်။
ထို့နောက် ရွှေဘိုခရိုင်အားကစားနှင့်ကာယပညာဦးစီးဌာန မှ ဦးစီးအရာရှိ ဒေါ်အေးအေးအောင် က ကရာတေးဒို (Kempo) အခြေခံသင်တန်း နည်းပြအဖြစ်တာဝန်ယူ၍ ကျောင်းသူစုစုပေါင်း (၁၅၀) ဦးတို့ကို (၂၅.၉.၂၀၁၉ ရက်နေ့မှ ၂၇.၉.၂၀၁၉ ) ရက်နေ့အထိ တစ်ရက် နှစ်ကြိမ် (၃) ရက်ကြာ သင်ပြလေ့ကျင့်ပေးသွာမည်ဖြစ်ကြောင်း သိရသည်။
ချစ်စံ(ခင်ဦး)
