သံဖြူဇရပ်၊ ၂၇ ဇန်နဝါရီ
မွန်ပြည်နယ် မော်လမြိုင်ခရိုင် သံဖြူဇရပ်မြို့နယ်တွင် ကိုဗစ် - ၁၉ ကာကွယ်ဆေးထိုးနှံခြင်းကို ယနေ့ နံနက် ၉ နာရီမှစတင်ကာ မြို့နယ်ပြည်သူ့ဆေးရုံ အစည်းအဝေးခန်းမ၌ ကျန်းမာရေးဝန်ထမ်းများအား စတင်ထိုးနှံပေးခြင်းဖြစ်ကြောင်း သိရသည်။
အဆိုပါ ကိုဗစ် - ၁၉ ကာကွယ်ဆေး အစီအစဉ်တွင် COVISHIGLD ကာကွယ်ဆေးကို မြို့နယ်ကျန်းမာရေး ဦးစီးဌာနမှူး ဒေါက်တာ မင်းသန့်ဇင်က ကာကွယ်ဆေး စတင်ထိုးနှံမှုခံယူပြီးနောက် မြို့နယ်အတွင်း ကုသရေးဦးစီးဌာနအောက်ရှိ မြို့နယ်နှင့်တိုက်နယ်ဆေးရုံမှဝန်ထမ်းများ ၊ ပြည်သူ့ကျန်းမာရေးဦးစီးဌာန အောက်ရှိ ကျန်းမာရေးဝန်ထမ်းများ ၊ အားကစားနှင့်ကာယပညာဦးစီးဌာနဝန်ထမ်းများနှင့် စေတနာ့ဝန်ထမ်း အဖွဲ့အစည်းဝင်များ စုစုပေါင်း (၂၄၀) ကို ဇန်နဝါရီ ၂၇ ရက်မှ ၂၈ ရက်အထိ (၂)ရက်တာ ထိုးနှံပေးသွား မည်ဖြစ်ကြောင်း မြို့နယ်ပြည်သူ့ကျန်းမာရေးဦးစီးဌာန ဦးစီးအရာရှိ(အခြေခံကျန်းမာ) ဒေါက်တာအောင်ထက်ကောင်းထံမှ သိရသည်။
အေးအေးသီ(ပြန်/ဆက်)
