မုံရွာ ၁ ဧပြီ
စစ်ကိုင်းတိုင်းဒေသကြီး အစိုးရအဖွဲ့၏စီမံမှုအရ မုံရွာမြို့တွင် ကိုဗစ်-၁၉ရောဂါကာကွယ်ရန် အတွက် တိုင်းဒေသကြီး ရုံးအဆောက်အဦများကို ယနေ့နံနက်ပိုင်းတွင် ပိုးသတ်ဆေးဖျန်းခြင်း လုပ်ငန်းများဆောင်ရွက်ခဲ့သည်။
“ယနေ့ ပိုးသတ်ဆေးဖျန်းမည့် တိုင်းရုံးများမှာ ကိုယ်ပွားသတင်းစာတိုက်(မုံရွာ)၊ စားသုံးသူ ရေးရာ ဦးစီးဌာန၊ ကျေးလက်ဒေသ ဖွံ့ဖြိုးတိုးတက် ရေးဦးစီးဌာန၊ သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ အကျဉ်းဦးစီးဌာန၊ ပျားမွေးမြူမှုဖွံ့ဖြိုးရေးဌာနခွဲ၊ မွေးမြူရေးနှင့် ကုသရေးဦးဌာနများဖြစ်ပြီး ပိုးသတ် ဆေးဖျန်းခြင်းလုပ်ငန်းများကို အဖွဲ့အနှစ်ဖွဲ့ခွဲပြီးဆောင်ရွက်လျက်ရှိပါကြောင်း” တိုင်းဒေသကြီးမီးသတ် ဦးစီးဌာနမှ ညွန်ကြားရေးမှူး ဦးမင်းစမ်းအေးကပြောကြားသည်။
ပိုးသတ်ဆေးဖျန်းခြင်းသည် ကိုဗစ်-၁၉ရောဂါကို ကြိုတင်ကာကွယ်ခြင်းနှင့် ရောဂါဖြစ်ပွားမှု များလျော့နည်းနိုင်ပါကြောင်း၊ ကျန်ရှိသည့် တိုင်းရုံးများကိုလည်း ပိုးသတ်ဆေးဖျန်းပေးမည် ဖြစ်ပါ ကြောင်း၊ ရောဂါပိုးတွေ့သူ သွားရောက်ခဲ့သည့် လမ်းကြောင်းများနှင့် ဘုရားပုထိုးစေတီများကို ပိုးသတ်ဆေးဖျန်းခြင်းလုပ်ငန်းများ ဆောင်ရွက်ပြီးပြီးဖြစ်ပါကြောင်း မီးသတ်ဦးစီးဌာနမှ ဒု- မီးသတ်ဦးစီးမှူး ဦးဒီဇင် ကပြောကြားသည်။
မွှေးကြူဇင်