မော်လမြိုင် ၁၁ ဇူလိုင်
မွန်ပြည်နယ် သံဖြူဇရပ်မြို့နယ် ကျိုက္ခမီမြို့တွင် ကိုဗစ်-၁၉ ရောဂါ ကာကွယ်ထိန်းချုပ် နိုင်ရေးအတွက် ကျိုက္ခမီရေလယ် ဆံတော်ရှင်မြတ်ဘုရားသို့ ရပ်နီး၊ ရပ်ဝေးမှ ရဟန်းရှင်လူ ပြည်သူများ လာရောက်ဖူးမြော်ကြည်ညိုခွင့်ကို ဂေါပကအဖွဲ့မှ ဇူလိုင် ၅ ရက်မှစတင်ပြီး ယာယီရပ်ဆိုင်းထားကြောင်း သိရသည်၊၊
သံဖြူဇရပ်မြို့နယ်တွင် ကိုဗစ်-၁၉ ရောဂါပိုးတွေ့ရှိ အတည်ပြုလူနာ များပြားလာမှုကြောင့် လူစုလူဝေး မဖြစ်ပေါ်စေရန်နှင့် ကူးစက်ပြန့်ပွားမှုကို ထိန်းချုပ်နိုင်ရန်အတွက် ယာယီရပ်ဆိုင်းထားခြင်းဖြစ်ပြီး အဆိုပါ ကိုဗစ်-၁၉ ရောဂါပိုး တွေ့ရှိလူနာများထားရှိရန် ကျိုက်က္ခမီရေလယ် ဆံတော်ရှင်မြတ်ဘုရား ပရိဝုဏ်အတွင်းရှိ အဆောက်အအုံများ ကြိုတင်ပြင်ဆင် ဆောင်ရွက်ထားကြောင်း သိရသည်၊၊
ကျိုက္ခမီရေလယ် ဆံတော်ရှင်မြတ်ဘုရားသို့ ရပ်နီး၊ ရပ်ဝေး ဘုရားဖူးဧည့်သည်များ ပြန်လည်လာရောက် ဖူးမြော်ကြည်ညိုခွင့် ပြုမည့်ရက်ကို ထပ်မံကြေညာပေးမည်ဖြစ်ကြောင်း ဂေါပကအဖွဲ့ရုံး အဖွဲ့မှူး ဦးဖိုးငြိမ်းထံမှ သိရသည်၊၊
ခရိုင်(ပြန်/ဆက်)
