ကျိုက်မ​​ရော ၁၀ နိုဝင်ဘာ     

မွန်ပြည်နယ်၊ ကျိုက်မ​ရောမြို့နယ်၏ တန်ခိုးကြီးဘုရားတစ်ဆူဖြစ်သော သမိုင်းဝင်ဆုတောင်းပြည့် ဘုရားကြီးအား တန်​ဆောင်မုန်းလပြည့်​နေ့တွင် မသိုးသင်္ကန်းများဖြင့် ဆက်ကပ်ပူ​ဇော်နိုင်ရန်အတွက် မသိုးသင်္ကန်း ရက်ပြိုင်ပွဲကြီးကို တန်​ဆောင်မုန်းလဆန်း(၁၄)ရက် ည၇နာရီတွင် စည်ကားသိုက်မြိုက်စွာ ကျင်းပပြုလုပ် သွားမည်ဖြစ်​ကြောင်း သိရသည်။

အဆိုပါ မသိုးသင်္ကန်းရက်ပြိုင်ပွဲကြီးကို ကျိုက်မ​ရောမြို့ဆု​တောင်းပြည့်ဘုရားကြီး၏ သြဝါဒစရိယ ဘုရားကြီး​ကျောင်းတိုက် ဆရာ​တော်နိုင်ငံ​တော် ဗဟိုသံဃာ့ဝန်​ဆောင် သဓ္ဓမ​ဇောတိကဓဇဘဒ္ဒန္တဝါရိန္တ က ကြီးမှူးကျင်းပ သွားမည်ဖြစ်ပြီး အနယ်နယ်အရပ်ရပ်မှ ရက်ကန်းအဖွဲ့များက လာ​​​ရောက်ယှဉ်ပြိုင်၍ ပူ​ဇော်သွားကြမည်ဖြစ်သည်။

အ​ဆိုပါညတွင် ရန်ကုန်မြို့မှ(YM) ရုပ်ရှင်သဘင်ဂီတ​ဖျော်​ဖြေပွဲများဖြင့်လည်း ဧည့်ပရိသတ်များကို ​ဖျော်​ဖြေ တင်ဆက်သွားမည်ဖြစ်​​ကြောင်း သိရသည်။ ယခုနှစ် မသိုးသင်္ကန်းရက်ပြိုင်ပွဲသည် (၁၇)ကြိမ်​မြောက် ကျင်းပပြုလုပ်ခြင်းဖြစ်ပြီး တန်​ဆောင်တိုင်ပွဲ​တော်ကြီး၏ အများပြည်သူ ရုံးပိတ်ရက်၄ရက်နှင့်လည်း တိုက်ဆိုင်နေသဖြင့် ယခင်နှစ်များထက် ပိုမိုစည်ကားမည်ဖြစ်​ကြောင်း ဒေသခံပြည်သူတစ်ဉီးက ​ပြောသည်။

ချိုမြတ်မြတ်​ထွေး  (ကျိုက်မ​ရော)