ကျိုက်မ​ရော   ၂၀   မေ

မွန်ပြည်နယ် ကျိုက်မ​ရောမြို့နယ်တွင် ကရင်တိုင်းရင်းသားလူမျိုး​ရေးရာဝန်ကြီး ဦး​စောအောင်မြင့်ခိုင်၏ ဦးဆောင်ကြီးကြပ်မှုဖြင့် အ​ခြေခံလူတန်းစားများ အဆင်​ပြေစွာ အသုံးပြုနိုင်ရန်အတွက် ​​​မေ ၁၉ ရက်က မေသရဖူပရဟိတလုပ်ငန်းမှ အဝတ်နှာ​ခေါင်းစည်းများကို စတင်​​ချုပ်လုပ်လျက်ရှိ​ကြောင်း သိရသည်။

အဆိုပါ အဝတ်နှာ​ခေါင်းစည်းများသည် နှစ်လွှာပါ ပြန်လည်​လျှော်ဖွတ်အသုံးပြုနိုင်ပြီး ကလေး၊ လူကြီးမရွေး တပ်ဆင်အသုံးပြုနိုင်ရန် အရွယ်အစား ၄  မျိုးဖြင့် ချုပ်လုပ်​​နေပြီး အခြေခံလူတန်းစား များအတွက် အခု ၃၀၀၀ အခမဲ့ ဖြန့်​ဝေ​ပေးသွားမည်ဖြစ်​ကြောင်း​ မေသရဖူ ပရဟိတအဖွဲ့​ခေါင်း​ဆာင် ဒေါ်မိုးမိုးစံက ပြောသည်။  ယခုအချိန်ထိ နှာ​ခေါင်းစည်း​ အခု ၁၇၀၀​ ကျော် ချုပ်လုပ်ပြီးစီး​နေပြီး​ မေ ၂၂ ရက်​နေ့တွင် အခု​ရေ ၃၀၀၀ ကို အပြီးသတ်ချုပ်လုပ်​ပေးသွားမည်ဖြစ်​ပြီး လူတိုင်း တပ်ဆင်နိုင်ရန် အခမဲ့ဖြန့်​ဝေ​ ပေးသွားမည်ဖြစ်​ကြောင်း သိရသည်။

ချိုချို (ပြန်/ဆက်)