ကျိုက်ထို၊ ၂၇ ဇန်နဝါရီ၊
သထုံခရိုင်ခရိုင်၊ ကျိုက်ထိုမြို့နယ် ပြည်သူ့ဆေးရုံတွင် ယနေ့ နံနက် ၈ နာရီမှ စတင်၍ ကျန်းမာရေးဝန်ထမ်းများအား ကိုဗစ်-၁၉ ရောဂါ ကာကွယ်ဆေး စတင်ထိုးနှံပေး လျက်ရှိကြောင်း သိရသည်။
ထိုသို့ ကာကွယ်ဆေးထိုးနှံပေးရာတွင် ကျိုက်ထိုမြို့နယ် ကျန်းမာရေးနှင့်ကုသရေးဦးစီးဌာနမှ မြို့နယ်ဆရာဝန်ကြီး ဒေါက်တာ စောကလျာနှင့် ကျန်းမာရေးဝန်ထမ်း (၂၁၂ )ဦး၊ အားကစားနှင့် ကာယပညာဦးစီးဌာနမှ (၄)ဦး၊ မြို့နယ်တိုင်းရင်းဆေးကုဌာနမှ (၃ )ဦးတို့အား ဇန်နဝါရီ ၂၇ နှင့် ၂၈ ရက်တို့တွင် ထိုးနှံပေးသွားမည်ဖြစ်သည်။
အသက်၁၈နှစ်နှင့်အထက် ပြည်သူများအား ကိုဗစ်-၁၉ ရောဂါ ကာကွယ်ဆေးထိုးနှံပေးရေးအတွက် မြို့နယ်အထွေထွေအုပ်ချုပ်ရေးဦးစီးဌာနမှ ဦးဆောင်၍ လူဦးရေစာရင်းကောက်ယူကာ ကိုဗစ်-၁၉ရောဂါ ကာကွယ်ဆေးထိုးနှံနိုင်ရေးအတွက် ညွှန်ကြားချက်များနှင့်အညီ ဆက်လက်ဆောင်ရွက်ပေးသွားမည်ဖြစ်ကြောင်း မြို့နယ်ကျန်းမာရေးဦးစီးဌာနမှူး ဒေါက်တာ စောကလျာထံမှ သိရသည်။
သန်းသန်းမော်(ကျိုက်ထို)
