၂၅ မတ်
အာဖဂန်နစ္စတန်နိုင်ငံ အနောက်ပိုင်း ဟီရတ်ပြည်နယ်တွင် ကိုရိုနာဗိုင်းရပ်စ်ကူးစက်မှုကြောင့် အမျိုးသမီး တစ်ဦး သေဆုံးခဲ့ရာ သေဆုံးသူ နှစ်ဦး ရှိပြေဖြစ်ကြောင်း ပြည်သူ့ကျန်းမာရေးဝန်ကြီးဌာန ပြောရေးဆိုခွင့်ရှိသူ ဝါဟီဒူလာရှ် မာရာက ယနေ့ ပြောကြားခဲ့သည်။
ရောဂါကူးစက်မှုကြောင့် ဒုတိယမြောက် သေဆုံးသူမှာ ဟီရတ်ပြည်နယ်မှ အသက် ၄၅ နှစ်အရွယ် အမျိုးသမီးတစ်ဦး ဖြစ်ကြောင်း သတင်းထောက်များကို မာရာ က အတည်ပြုပြောကြားခဲ့သည်။
၎င်းကူးစက်ရောဂါကြောင့် တနင်္ဂနွေနေ့က ပထမဦးဆုံး သေဆုံးခဲ့သူမှာ ဘော်လ်ခ်ပြည်နယ်မှ ဖြစ်ကြောင်း ဖော်ပြထားသည်။
အာဖဂန်နစ္စတန်နိုင်ငံတွင် ကိုဗစ်-၁၉ ကူးစက်သူအရေအတွက် ၇၄ ဦးရှိကြောင်း ယင်းကျန်းမာရေးဝန်ကြီးဌာနက အတည်ပြုပြောကြားခဲ့သည်။
နေတိုးဦးဆောင်သော ညွန့်ပေါင်းအဖွဲ့မှ အဖွဲ့ဝင်လေးဦးမှာလည်း ထိုရောဂါကူးစက်မှုခံခဲ့ရသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
