လှိုင်းဘွဲ ၂၁ မတ်
ကရင်ပြည်နယ်၊ လှိုင်းဘွဲမြို့နယ်အတွင်းရှိ ဒေသခံပြည်သူများ အသက်ရှူလမ်းကြောင်းဆိုင်ရာ ကိုရိုနာဗိုင်းရပ်(စ်) ပြင်းထန်အဆုတ်ရောင် ရောဂါကြိုတင်ကာကွယ်နိုင်စေရန်နှင့် ကျန်းမာရေး ဗဟုသုတများ ရရှိစေရန် ရည်ရွယ်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြေစိုက်နံရံကပ်ပြဘုတ်တွင် နိုင်ငံတော်အကြီးအကဲ၏ ဆောင်ရွက်မှု မှတ်တမ်းဓါတ်ပုံများနှင့် ကိုရိုနာဗိုင်းရပ်(စ်)အန္တရာယ် ကြိုတင်ကာကွယ်ရေး အသိပညာပေး ပိုစတာများနှင့်စာစောင်များကို ပြသဆောင်ရွက်ထားလျက်ရှိသည်။
အဆိုပါ မြေစိုက်နံရံကပ်ပြဘုတ်တွင် ကိုရိုနာဗိုင်းရပ်(စ်) ပြင်းထန်အဆုတ်ရောင် ရောဂါ ကူးစက်နိုင်သည့် နည်းလမ်းများ၊ ဆောင်ရန်/ရှောင်ရန်များ၊ သံသယဖြစ်ဖွယ် ရောဂါလက္ခဏာများ၊ ကြိုတင်ကာကွယ်နိုင်သည့် နည်းလမ်းများအား ပြည်သူများ ကျယ်ပြန့်စွာ သိရှိစေရန် မြေစိုက်နံရံကပ်ပြဘုတ်တွင် ပြသထားလျက်ရှိကြောင်း သိရှိရသည်။
ခင်စန်းမြင့်(ပြန်/ဆက်)
