အိုဆာကာ တရားရုံးက ၁၃ နှစ်အရွယ် မိန်းကလေး နှင့် ၁၂ နှစ်အရွယ် ယောကျာ်းလေးတို့ကို သတ်မှုဖြင့် အမျိုးသားတစ်ဦးကို သေဒဏ်ချမှတ်ခဲ့သည်ဟု သိရသည်။
အသက် ၄၈ နှစ် အရွယ် ကိုဂျီ ယာမာဒါသည် ၂၀၁၅ ခုနှစ် သြဂုတ်လက နီယာဂါဝါ မြို့တော်မှ ဖော်ပြပါ ကလေး၂ ဦးကို သတ်မှုဖြင့် စွပ်စွဲခံခဲ့ရကြောင်း ၊ အိုဆာကာ ခရိုင်တရားရုံးတွင် ပြီးခဲ့သည့် နိုဝင်ဘာလက အဆိုပါအမှုကို စစ်ဆေးခဲ့ကြကြောင်းနှင့် အစိုးရရှေ့နေများက ၎င်းကို သေဒဏ်ပေးရန် တောင်းဆိုခဲ့ကြကြောင်း သတင်းဖော်ပြထားသည်။
ကိုဂျီ ယာမာဒါ ၏ ရှေ့နေများက အဆိုပါ သေဆုံးခဲ့သူ ၂ ယောက်တွင် မိန်းကလေးငယ်မှာ ဒဏ်ရာရရှိသေဆုံးခြင်းဖြစ်ပြီး ယောကျာ်းလေး ဖြစ်သူမှာ ရုတ်တရက် နာမကျန်းဖြစ်ရာမှ သေဆုံးခြင်းဖြစ်သောကြောင့် ထောင်ဒဏ် ၁၂ နှစ်မှာ သင့်လျော်ပါကြောင်း ထောက်ခံပြောဆိုခဲ့သည်။
တရားသူကြီး ရူတာ အာဆာကာ က ကိုဂျီ ယာမာဒါ ကို ယနေ့ သေဒဏ် ချမှတ်ခဲ့သည်ဟု သိရသည်။
ကိုးကား အန်အိတ်ချ်ကေ
ဘာသာပြန် မြင့်မြင့်ချို
