ကလော ၃၁ မတ်
ရှမ်းပြည်နယ်(တောင်ပိုင်း) တောင်ကြီးခရိုင်၊ ကလောမြို့နယ်တွင် COVID-19 အဆုတ်ရောင် ရောဂါဖြစ်ပွားမှုမရှိစေရေးအတွက် ရှေးဟောင်းသမိုင်းဝင်တန်ခိုးကြီးဘုရာများဖြစ်သည့် ကလောမြို့ အမှတ် (၈)ရပ်ကွက်တွင် တည်ရှိသော ကလောနှီးဘုရား၊ အမှတ်(၁၀)ရပ်ကွက်တည်ရှိသော ရွှေဉမင် သဘာဝလိုဏ်ဂူဘုရား၊ ကလောမြို့နယ် မြင်းမထိကျေးရွာရှိ ဉဏ္ဏလုံမွေရှင်တော် သဘာဝလိုဏ်ဂူဘုရားတို့တွင် ခေတ္တယာယီပိတ်ထားကြောင်း သိရသည်။
"ကလောမြို့နှီးဘုရားကျောင်းတိုက်ကိုတော့ အနယ်နယ်အရပ်ရပ်က ဘုရားဖူးဧည့်သည်တွေ အများကြီး လာရောက်တည်းခိုပြီး ဘုရားဖူးကြပါတယ်၊ ယခု မတ်လ ၂၇ ရက်နေ့မှပြီး ဘုရားဖူးဧည့်သည်များကို ညအိပ်ညနေတည်းခိုခွင့်မပြုတော့ဘူး၊ ဘုရားနယ်မြေများအတွင်း ဈေးဆိုင်ခန်းများလည်း ပိတ်ထားပါတယ် ဘုရားဖူးမယ်ဆို ဖူးလို့ရပါတယ် ယခုချိန်လက်ရှိမှာတော့ ဘုရားဖူးဧည့်သည်များ လာရောက်ဖူးမျှော်ခြင်းမရှိတော့ဘူး” ဟု ဘုရားဂေါပက ဦးသန်းမောင်က ပြောသည်။
COVID -19 အဆုတ်ရောင်ရောဂါဖြစ်ပွားမှု မရှိစေရေးအတွက် ကလောမြို့နယ် မြင်းမထိကျေးရွာရှိ ဉဏ္ဏလုံမွေရှင်တော် သဘာဝလိုဏ်ဂူဘုရားကိုတော့ မတ်လ ၂၆ ရက်နေ့မှစ၍ ဈေးဆိုင်ခန်းများအပါအဝင် ခေတ္တယာယီပိတ်ထားပါတယ် ရပ်နှီးရပ်ဝေးမှဘုရားဖူးဧည့်သည်များ ကိုလဲသိစေချင်ပါတယ် ဘုရားဖူးပြန်လည်ဖွင့်ချိန်ကျရင်လဲ အများပြည်သူသိရှိနိုင်အောင် ပြန်လည်ကြေငြာပေးသွားမည်ဟု " ဘုရားဂေါပကအဖွဲ့ဝင် ဦးမျိုးအောင်ထံမှ သိရသည်။
ကျော်ဝင်း(ပြန်/ဆက်)
