ပြည်၊ ၁၂ ဇန်နဝါရီ

ပြန်ကြားရေးနှင့် ပြည်သူ့ဆက်ဆံရေးဦးစီးဌာန ပြည်ခရိုင်အတွင်းရှိ ခရိုင်နှင့် မြို့နယ်ရုံးများနှင့် ဂျပန်နိုင်ငံ ရှန်တီစေတနာ့ဝန်ထမ်းအဖွဲ့ (Shanti Volunteer Association -SVA)တို့ ပူးပေါင်းဆောင်ရွက်သော ကလေးစာဖတ်ခန်းနှင့် စာကြည့်တိုက် ဝန်ဆောင်မှု လုပ်ငန်းဆိုင်ရာ တတိယအကြိမ် သုံးလပတ်(အွန်လိုင်း) အစည်းအဝေးကို ဇန်နဝါရီ ၁၂ ရက် နံနက်ပိုင်းက ပြုလုပ်သည်။

အစည်းအဝေးတွင် ၂၀၁၈ ခုနှစ်မှ ၂၀၂၀ ပြည့်နှစ်အထိ သုံးနှစ်တာကာလအတွင်း အဓိကထား ပူးပေါင်းဆောင်ရွက်ခဲ့သော ကလေးစာဖတ်ခန်း ဝန်​ဆောင်မှုအခြေအနေများ၊ နယ်လှည့် ရွေ့လျားစာကြည့်တိုက်နှင့် စာငှားဝန်ဆောင်မှုအခြေအနေများ၊ ဦးတည်အခြေခံပညာ ကျောင်းများမှ ဆရာ ဆရာမများကို သင်တန်းတိုပေးမှုအခြေအနေ၊ ကိုဗစ်-၁၉ ကာလ အတွင်း အွန်လိုင်းမှ ပုံပြောခြင်းအခြေအနေနှင့် ကလေးစာဖတ်ခန်းမှ စာငှား ဝန်ဆောင်မှု အခြေအနေ၊ ကိုဗစ်ကာလအတွင်း SVA ၏ အခြားအသိပညာပေးလုပ်ငန်း ဆောင်ရွက်မှု အခြေအနေ စသည့် အကြောင်းအရာများကို သုံးသပ်တင်ပြ ဆွေးနွေးခဲ့ကြကြောင်းနှင့် ယင်းလုပ်ငန်းများနှင့်ပတ်သက်၍ ရှေ့ဆက်ဆောင်ရွက်မည့် စီမံကိန်းလုပ်ငန်းစဉ် အခြေအနေများကို ဆွေးနွေးအတည်ပြုခဲ့ကြပြီး အဆိုပါ အွန်လိုင်း အစည်းအဝေးသို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ပြည်ခရိုင်ဦးစီးအရာရှိနှင့် မြို့နယ်ဦးစီးမှူးများ၊ စာကြည့်တိုက် တာဝန်ခံဝန်ထမ်းများနှင့် ရှန်တီစေတနာ့ဝန်ထမ်း အဖွဲ့(SVA)မှ ဒါရိုက်တာနှင့် ဝန်ထမ်းများ တက်ရောက် ဆွေးနွေးကြသည်။

မျိုးကျော်ကြီး(ပြန်/ဆက်)