၁၆ ဇွန်
ကမ္ဘာတစ်ဝှမ်း ကိုရိုနာဗိုင်းရပ်စ် ကူးစက်မှုသည် ဇွန် ၁၆ ရက်နေ့တွင် ရှစ်သန်းကျော် ရှိလာပြီ ဖြစ်သည်။
အမေရိကန်ပြည်ထောင်စု ဂျွန်ဟော့ပ်ကင်း တက္ကသိုလ်၏ သုတေသန အချက်အလက်များအရ ရောဂါကူးစက်ခံရသူ ၈၀ဝ၅၂၉၄ ဦး ရှိပြီး ထိုကူးစက်ခံရမှုကြောင့် ၄၃၅၆၆၂ ဦး သေဆုံးခဲ့သည်ဟု သိရသည်။
အမေရိကန်ပြည်ထောင်စုသည် ကူးစက်ခံရမှု အများဆုံးဖြစ်ပြီး ကိုဗစ်-၁၉ ရောဂါ ကူးစက်ခံရသူ ၂၁၁၀၇၉၁ ဦး ရှိသည်။
ဘရာဇီးနိုင်ငံတွင် ၈၈၈၂၇၁ ဦး၊ ရုရှားနိုင်ငံတွင် ၅၃၆၄၈၄ ဦး၊ အိန္ဒိယနိုင်ငံတွင် ၃၃၂၄၂၄ ဦးနှင့် ဗြိတိန်နိုင်ငံတွင် ၂၉၈၃၁၅ ဦးတို့ ကူးစက်ခံခဲ့ရသည်။
ကမ္ဘာ့နိုင်ငံများတွင် အမေရိကန်ပြည်ထောင်စုသည် ကိုဗစ်-၁၉ ကူးစက်ခံရမှုကြောင့် သေဆုံးသူ ၁၁၆၁၁၄ ဦး ရှိပြီး သေဆုံးမှု အများဆုံးနိုင်ငံလည်း ဖြစ်သည်။
ဘရာဇီးနိုင်ငံသည် ရောဂါကူးစက်ခံရမှုကြောင့် သေဆုံးမှု ဒုတိယ အများဆုံးနိုင်ငံဖြစ်သည်။
ကိုဗစ်-၁၉ ကူးစက်ခံရမှုကြောင့် ဗြိတိန်နိုင်ငံတွင် ၄၁၈၂၁ ဦး၊ အီတလီနိုင်ငံတွင် ၃၄၃၇၁ ဦး နှင့် ပြင်သစ်နိုင်ငံတွင် ၂၉၄၃၉ ဦး တို့ သေဆုံးခဲ့ကြသည်။
ကိုးကား-အန်အိတ်ချ်ကေ
ဘာသာပြန်-မြင့်မြင့်ချို